د افغانستان او قزاقستان ترمنځ باید لازم ټرانزیټي اسانتیاوې رامنځته شي

افغان غږ خبری آژانس - کابل: د صنایعو او سوداګرۍ وزارت سرپرست نورالدین عزیزي په افغانستان کې د قزاقستان د سوداګرۍ د نړیوالې خونې له استازي ارمان یاسین طائف سره وکتل او په بېلابېلو برخو په ځانګړي ډول د اقتصادي پروګرامونو په اړه یې خبرې وکړې.

 

په دې کتنه کې په افغانستان کې د قزاقستان د سوداګرۍ د نړیوالې خونې پر جوړېدو او د دې تر څنګ د قزاقستان د معتبرو شرکتونو د معرفي کولو، د دوه اړخیزو ترانزیتي اسانتیاوو د رامنځته کولو او د سوداګرۍ د صادرولو په برخه کې د پرتو خنډونو د لرې کولو په اړه خبرې وشوې. د دواړو هیوادونو ترمنځ ویزې.

 

باید وویل شي، چې قزاقستان یو له هغو هېوادونو څخه دی، چې له افغانستان سره ښې سوداګریزې او اقتصادي همکارۍ لري.