نړیوالو بنسټونو له افغان کروندګرو سره د کوکنارو د بدیل په برخه کې رښتینې همکاري نه ده کړې

د اسلامي امارت د کرنې، اوبولګولو او مالدارۍ وزارت مرستیال مولوي چانسلر عثماني د ملګرو ملتونو د پراختیايي پروګرام له مرستیال سره په کتنه کې وویل چې نړیوالو موسسو د کوکنارو د بدیل کښت په برخه کې د افغانستان له کروندګرو سره هیڅ ډول رښتینې همکاري نه ده کړې. نوموړي د کوکنارو د بديل کښت د بدلولو په موخه له کروندګرو سره د بنسټونو د رښتينې همکارۍ غوښتنه وکړه.

افغان غږ خبری آژانس - کابل: د اسلامی امارت د کرنې، اوبولګولو او مالدارۍ وزارت ویاند مصباح الدین مستین د افغان غږ خبری آژانس خبریال ته وویل شول، موږ د کوکنارو د کښت مخه نیولې، خو نړیوالو موسسو له کروندګرو سره د هغه د بدیل په برخه کې هېڅ ډول رښتینې همکاري نه ده کړې، موږ په دې برخه کې د همکارۍ غوښتونکي یو. تر څو کروندګر بیا د کوکنارو کرلو ته مخه نه کړي او بدیل یې وګرځوي.

د کرنې وزارت د ویاند په وینا، ښاغلي عثماني په دې ناسته کې زیاته کړه چې د پروژو اداري لګښتونه لوړ دي او نړیوال بنسټونه او موسسې باید هغه بودجه چې تمویل کوونکو ته ځانګړې شوې ده په شفافه توګه ولګوي او خپلې اداري چارې محدودې کړي.

په افغانستان کې د ملګرو ملتونو د پراختیايي پروګرام مرستیالې هماتریا بوزرکوا په دې اړه وویل: "موږ له تاسو سره په همغږۍ د حل لارې موندلو لپاره راغلي یو، زه موافق یم چې د بودیجې په لګولو کې باید شفافیت او عدالت په پام کې ونیول شي. د مرستې پیسې هم غواړي، خلکو ته په ځانګړې توګه بزګرانو ته ورسیږي.»

مصباح الدین مستین وایي چې د اسلامي امارت د کرنې، اوبولګولو او مالدارۍ وزارت د کرنې، اوبولګولو او مالدارۍ د سکتور د ودې په برخه کې د ملي او نړیوالو بنسټونو په همکارۍ کار کوي او له بزګرانو سره په مستقیم او غیر مستقیم ډول ملاتړ کوي.

تر دې مخکې نړیوالو سازمانونو اعلان کړی و چې اسلامي امارت په تیرو دوو کلونو کې د کوکنارو د کښت په ګډون د مخدره موادو د قاچاق او تولید په مخنیوي کې د جمهوري رژیم په پرتله د شلو کلونو په پرتله ډیر بریالی شوی دی.

د اسلامي امارت چارواکو په وار وار له نړیوالو موسسو د همکارۍ غوښتنه کړې چې د هیواد بزګرانو ته د کوکنارو د کښت بدیل برابر کړي.