د مهاجرینو او راستنیدونکو چارو وزارت سرپرست خلیل الرحمن حقاني په کاپیسا ولایت کې په یوه عامه غونډه کې افغانستان ته له راستنیدونکو کډوالو سره د خلکو د ګډې همکارۍ غوښتنه وکړه.
دخپریدو نیټه :شنبه ۲۷ عقرب ۱۴۰۲ ساعت ۱۲:۱۸
د مطلب کود : 280571
افغان غږ خبری آژانس: ښاغلي حقاني دغه څرګندونې د پنجشنبې په ورځ د عقرب په ۲۵ مه په کاپیسا کې په یوه عامه غونډه کې وکړې.
د مهاجرینو او راستنیدونکو چارو وزارت سرپرست په دې غونډه کې وویل چې هیواد ته د راستنیدونکو کډوالو لپاره باید د کار زمینه برابره شي.
دا په داسې حال کې ده چې د اکتوبر په لومړیو کې پاکستان له اسنادو پرته له ۱.۷ میلیونو څخه زیاتو مهاجرو او پناه غوښتونکو ته د نومبر تر لومړۍ نیټې پورې وخت ورکړی و چې د دغه مهالوېش له پای ته رسیدو سره سم یې د هغوی نیول او ویستل پیل کړي دي.
د وروستیو شمېرو له مخې په تېرو دوو میاشتو کې څه باندې ۳۰۰ زره کډوال له پاکستانه هېواد ته راستانه شوي دي.
د نړیوالو سازمانونو له نیوکو سره سره له پاکستان څخه د قانوني اسنادو پرته د افغان مهاجرینو د جبري ایستلو لړۍ دوام لري.
avapress.net/vdciyuarzt1avw2.k6ct.html
ټګونه
ډیری لیدل شوي
