د رئیس الوزرا اقتصادي مرستیال ملا عبدالغني برادر اخند په مشرۍ یو لوړ پوړي دولتي پلاوي نن سهار (دوشنبه، میزان ۱۷) له زلزله ځپلو سیمو څخه د لیدنې په موخه هرات ولایت ته سفر وکړ.
دخپریدو نیټه :دوشنبه ۱۷ میزان ۱۴۰۲ ساعت ۱۳:۴۷
د مطلب کود : 277984
افغان غږ خبری آژانس - کابل: ارګ په خپله اکس ټولنیزه پاڼه کې لیکلي، چې د رئیس الوزرا اقتصادي مرستیال ملا عبدالغني برادر اخند په مشرۍ یو لوړ پوړی دولتي پلاوی نن سهار هرات ولایت ته د زلزله ځپلو سیمو څخه لیدنه په موخه سفر وکړ.
ارګ زیاته کړې، چې ملا برادر به په دغه سفر کې زلزله ځپلې سیمې له نږدې وګوري او د بېړنیو مرستو د رسولو ترڅنګ به زیانمنو خلکو ته د راټولو شویو مرستو د عادلانه وېش په موخه اړوندو ارګانونو ته لازمې لارښووني ورکړي.
د يادونې ده، چې د تېرې شنبې په ورځ د هرات او بادغيس ولايتونه زلزلې ولړزولې، د هرات سیمه ییزو چارواکو پرون ماښام خبر ورکړ، چې د دغه ولایت په زنده جان او غوریان ولسوالیو کې ۱۲ کلي په بشپړه توګه ویجاړ شوي او له خاورو خځلو د قربانیانو د جسدونو په را ایستلو بوخت دي.
د اسلامي امارت د چارواکو په وينا په دې پيښه کې تر دوه زره زيات کسان وژل شوي او ټپيان شوي دي.
ارګ زیاته کړې، چې ملا برادر به په دغه سفر کې زلزله ځپلې سیمې له نږدې وګوري او د بېړنیو مرستو د رسولو ترڅنګ به زیانمنو خلکو ته د راټولو شویو مرستو د عادلانه وېش په موخه اړوندو ارګانونو ته لازمې لارښووني ورکړي.
د يادونې ده، چې د تېرې شنبې په ورځ د هرات او بادغيس ولايتونه زلزلې ولړزولې، د هرات سیمه ییزو چارواکو پرون ماښام خبر ورکړ، چې د دغه ولایت په زنده جان او غوریان ولسوالیو کې ۱۲ کلي په بشپړه توګه ویجاړ شوي او له خاورو خځلو د قربانیانو د جسدونو په را ایستلو بوخت دي.
د اسلامي امارت د چارواکو په وينا په دې پيښه کې تر دوه زره زيات کسان وژل شوي او ټپيان شوي دي.
avapress.net/vdcc4mqi02bqmo8.5ja2.html
ټګونه
ډیری لیدل شوي
