د سمنګان د کرنې ریاست چارواکي وايي، سږ کال د سړې هوا له امله د دغه ولایت د انګورو حاصلات ۶۰ سلنه کم شوي دي.
دخپریدو نیټه :پنجشنبه ۹ سنبله ۱۴۰۲ ساعت ۱۳:۰۵
د مطلب کود : 275898
افغان غږ خبری آژانس - مزار شریف: د سمنګان د کرنې ریاست د کرنې رئیس عبدالغفور کریمی افغان غږ خبری آژانس ته وویل: سږ کال په ۱۶۰۰ هکتاره ځمکه د انګورو باغونه کرل شوي، خو د حاصلاتو په سلو کې ۶۰ کم شوی دی.
د هغه په وينا، تېر کال له دغه ولايت څخه ٣٢ زره ټنه انګور ترلاسه شوي وو، خو سږ کال يې حاصلات ١٢ زره ټنو ته راټيټ شوي دي.
هغه دا هم وويل، چې د حاصلاتو له کمښت سره سره په سمنګانو کې سږ کال د انګورو بيه ښه ده او يو کيلو له ٥٠ تر ٧٠ افغانيو پلورل کېږي.
په شمال کې د انګورو بېلابېل ډولونه شته، خو د سمنګانو ډېری انګور حسیني، کلک عروس او طیفي ډوله دي.
دا په داسې حال کې ده، چې د سمنګانو انګور په کور دننه او نړيواله کچه مشهور دي، چې په تېرو کلونو کې يې تر ډېره پاکستان او هند ته صادرېدل، چې له دې لارې د يادو ولسواليو د اوسېدونکو ډېری کورنۍ خپل لګښتونه پوره کوي.
د هغه په وينا، تېر کال له دغه ولايت څخه ٣٢ زره ټنه انګور ترلاسه شوي وو، خو سږ کال يې حاصلات ١٢ زره ټنو ته راټيټ شوي دي.
هغه دا هم وويل، چې د حاصلاتو له کمښت سره سره په سمنګانو کې سږ کال د انګورو بيه ښه ده او يو کيلو له ٥٠ تر ٧٠ افغانيو پلورل کېږي.
په شمال کې د انګورو بېلابېل ډولونه شته، خو د سمنګانو ډېری انګور حسیني، کلک عروس او طیفي ډوله دي.
دا په داسې حال کې ده، چې د سمنګانو انګور په کور دننه او نړيواله کچه مشهور دي، چې په تېرو کلونو کې يې تر ډېره پاکستان او هند ته صادرېدل، چې له دې لارې د يادو ولسواليو د اوسېدونکو ډېری کورنۍ خپل لګښتونه پوره کوي.
avapress.net/vdceon8wvjh8fvi.r6bj.html
ټګونه
ډیری لیدل شوي
