د اسلامي همکاریو د سازمان له استازي سره د ایران د سفیر په کتنه کې د افغانستان په اړه د ګډ کار دوام

افغان غږ خبری آژانس - کابل: په کابل کې د ایران د اسلامی جمهوریت سفیر او ځانګړی استازی حسن کاظمی قمی په یوه ټویټ کې اعلان کړی چې په افغانستان کې د اسلامی همکارۍ سازمان له ځانګړی استازی طارق علی بخیت سره یې وکتل.
 
په دغه کتنه کښې حسن کاظمی قمی د سیمه ایزو نوښتونو په تیره بیا د افغانستان د ګاونډیانو د ملاتړ لپاره د اسلامی هیوادونو په ضرورت او دغه راز د افغان کډوالو په هکله په بشری برخو کښې د ایران له اسلامی جمهوریت سره د ګډو ډلو په جوړولو خبرې وکړې.
 
په دغه کتنه کښې د ایران سفیر زیاته کړه چې د افغانستان د مشکلاتو په حل کښې د اسلامی نړۍ د علماو رول ته په پام سره له ترهګرۍ سره د مبارزې په لاره کښې له دغه هیواد سره د اسلامی هیوادونو د ملګرتیاو په ضرورت ټینګار وکړ.
 
په دغه ټويټ کې د افغانستان لپاره د اسلامي هېوادونو د همکارۍ سازمان د ځانګړي استازي طارق علي بخیت د څرګندونو په اړه څه نه دي ويل شوي.