نړیواله ټولنه باید د افغانستان خلک یوازې نه پریږدي

افغان غږ خبری آژانس: د قرغزستان ولسمشر په جده کښې د مرکزی اسیا او د فارس خلیج د ملګرتیا شورا د مشرانو په غونډه کښې د افغانستان حالات ډیر د اندیښنې وړ وبلل.

 

د قرغزستان جمهوررئیس د غونډې ګډونوالو ته په خطاب کې وویل: د افغانستان وضعیت زموږ لپاره ډېر د اندېښنې وړ دی. موږ په دې باور یو چې نړیواله ټولنه باید د افغانستان ځورېدلي خلک په انزوا کې نه پرېږدي.

 

له بلې خوا د تاجکستان ولسمشر په افغانستان کې د ټولو توکمونو په مرکز کې د یوه ټول شموله حکومت د جوړولو غوښتنه وکړه.

 

د فارس خلیج او د منځنۍ اسیا د هېوادونو د همکارۍ لومړۍ غونډه د سعودی عربستان په کوربه توب پرون د سرطان په ۲۸مه د جدې په ښار کې جوړه شوه.