د ملګرو ملتونو عمومي منشي د اقلیم د بدلون په اړه خبرداری ورکړ

افغان غږ خبری آژانس: د اناتولیا خبري آژانس د خبر له مخې، د ملګرو ملتونو سرمنشي انتوني ګویرش په نیویارک کې د دغه سازمان په مرکزي دفتر کې د اقلیم د بدلون په برخه کې له فعالو یو شمیر غیر دولتي موسسو سره له کتنې وروسته له رسنیو سره خبرې وکړې. هغه یو ځل بیا د نړۍ ټولو خلکو ته د اقلیم د بدلون د پایلو په اړه خبرداری ورکړ.
 
ګوترش وویل: موږ په چټکۍ سره د اقلیم د بدلون په اړه زموږ سترګې په خلاصیدو سره یو لوی ناورین ته نږدې یو. دا وخت دی چې ویښ شو او په دې برخه کې هڅې وکړو.
 
هغه دې ته په اشارې سره چې که اوسنی حالت همداسې دوام وکړي، د دې پېړۍ تر پایه به د نړۍ د تودوخې درجه ۲.۸ درجه نور هم لوړه شي، وویل: دا هم د لوی ناورین په معنی ده.
 
د ملګرو ملتونو سرمنشي د خپلو خبرو په یوه بله برخه کې د تودوخې د لوړوالي د محدودولو لپاره د شنو خونو د ګازو په تولید کې د ۴۵ سلنه کمښت غوښتنه وکړه او زیاته یې کړه: موږ باید تیل، ګاز او د ډبرو  د سکرو څخه استفاده پریږدو او د نوي کیدونکي انرژۍ په برخه کې پانګونه کوي.