کارپوهان په دې باور دي چې امریکایان د افغانستان په اړه هغه څه نه کوي چې دوی یې وايي، ځکه له یوې خوا یې په خپل هېواد کې د اسلامي امارت د مخالفینو لپاره د تبلیغاتو زمینه برابره کړې او له بلې خوا یې دا نارې وهي چې موږ په افغانستان کې د اوسني حکومت د مخالفینو ملاتړ نه کوو.
دخپریدو نیټه :شنبه ۱۳ جوزا ۱۴۰۲ ساعت ۱۲:۵۲
د مطلب کود : 271120
افغان غږ خبری آژانس - کابل: د کارپوهان دغه څرګندونې په داسې حال کې کیږي، چې په تاجکستان کې د امریکا سفیر مانوئل میکالر د تاجکستان له اسیا پلس رسنۍ سره په مرکه کې ویلي، چې امریکا د افغان دولت وسله وال مخالفینو سره مرسته نکوي او له ټولو خواوو څخه غواړي چې له زغم څخه کار واخلي او خبرو ته کښېني.
د نړیوالو اړیکو کارپوه محمد رامین احمدزي له افغان غږ خبری آژانس سره په خبرو کې وویل: امریکایان په افغانستان کې هغه څه نه کوي، چې دوی یې وايي، ځکه له یوې خوا یې په خپل هېواد کې د اسلامي امارت د مخالفینو لپاره د تبلیغاتو زمینه برابره کړې او له بلې خوا یې په افغانستان کې د اسلامي امارت د مخالفانو لپاره تبلیغات کړي دي او له بلې خوا دوی نارې وهي چې موږ د اوسني حکومت د مخالفینو ملاتړ نه کوو.
هغه په دې خبرې سره چې د اسلامی امارت مشران باید د امریکا له سیاستونو هوښیار وی زیاته یې کړه: د امریکایانو تیر دسیسې ددي ښکارندوی دی چې دوی د خپلو ګټو د ترلاسه کولو په خاطر په هیڅ ډول ژمنې او خبرې ته غاړه نه ږدی .
د نړيوالو اړيکو دغه کارپوه وويل: لويديځوال هيڅکله نه غواړي چې افغانستان يو خپلواک هېواد وي، ځکه چې د افغانستان په ناامنۍ، سقوط او انحلال کې خپلې ګټې ويني.
احمدزي ټینګار وکړ چې د بشر د حقوقو، د ښځو د حقوقو او فردي آزادۍ شعار د امریکایانو لپاره د خپلو شومو موخو د ترلاسه کولو وسیله ده، ځکه د لویدیځو هیوادونو اعلان شوي سیاستونه تل د دوی له پلي شویو سیاستونو سره توپیر لري.
په ورته وخت کې د پوهنتون استاد سید ذاکر حسیني هم افغان غږ خبری آژانس ته وویل چې غربیان له یوې خوا له افغانستان سره د مرستې او د اقتصادي وضعیت د ښه کولو لپاره د جدي هوډ خبره کوي او له بلې خوا په دوه مخۍ لوبې کوي چې اسلامي امارت کمزوری کړي، ترڅو په افغانستان او سیمه کې خپل حضور ته دوام ورکړي.
هغه په ډاګه کړه، که لوېديځوال غواړي چې سوله ټينګه شي او د افغانستان له خلکو سره مرسته وکړي، نو په لومړي ګام کې دې د افغانانو شتمنۍ وباسي او په دويم ګام کې دې له ملګرو ملتونو وغواړي چې د طالبانو د مشرانو نومونه له تور لیست څخه وویستل شو.
حسيني په ټينګار سره وويل چې په افغانستان کې د لويديځو هېوادونو ګټې په جګړه پورې تړلې دي، له همدې امله يې زموږ له هېواد سره دوه مخۍ لوبه کړې او نه غواړي چې افغانان په سوله او آرامۍ کې ژوند وکړي.
هغه څرګنده کړه، د اسلامي امارت مشران باید د غربیانو د دسیسو د مخنیوي په خاطر خپل چلند ته پام وکړي نه خپلو خبرو ته، ځکه لوېدیځوال په افغانستان کې د بې وزلۍ د له منځه وړلو او سولې د ټینګولو اراده نه لري.
د پوهنتون دغه استاد زیاته کړه، چې په افغانستان کې د اسلامي امارت له جوړېدو راهیسې غربیانو د افغانانو د شتمنیو په بندولو سره د هېواد اقتصاد ته ستر زیان اړولی، چې له امله یې د افغانستان او نړۍ د هېوادونو ترمنځ سوداګري کمه شوې ده.
نوموړي د خپلو خبرو په پای کې وویل چې امریکایان د نړۍ له هېوادونو سره په خپل بهرني سیاست کې د باور وړ او صادق دوست نه دي، نو له همدې امله اسلامي امارت باید په خپل بهرني سیاست کې د غربي هېوادونو چلند ته پام وکړي.
په همدې حال کې په افغانستان کې د اروپايي ټولنې ځانګړي استازي توماس نیکولسن څه موده وړاندې ویلي و، چې د اسلامي امارت ځینې کړنې ښايي له افغانستان سره د نړیوالو مالي ملاتړ اغېزمن کړي، خو اروپايي ټولنه به په افغانستان کې د وسله والو مخالفینو ملاتړ ونه کړي.
هغه زیاته کړه، که موږ د بشری حقونو د پرمختګ او ساتنې په برخه کې پرمختګونه ووینو، کولای شو له اسلامی امارت سره رغنده اړیکې جوړې کړو او یا هم د افغانستان د اقتصاد له ثبات سره مرسته وکړو.
د نړیوالو اړیکو کارپوه محمد رامین احمدزي له افغان غږ خبری آژانس سره په خبرو کې وویل: امریکایان په افغانستان کې هغه څه نه کوي، چې دوی یې وايي، ځکه له یوې خوا یې په خپل هېواد کې د اسلامي امارت د مخالفینو لپاره د تبلیغاتو زمینه برابره کړې او له بلې خوا یې په افغانستان کې د اسلامي امارت د مخالفانو لپاره تبلیغات کړي دي او له بلې خوا دوی نارې وهي چې موږ د اوسني حکومت د مخالفینو ملاتړ نه کوو.
هغه په دې خبرې سره چې د اسلامی امارت مشران باید د امریکا له سیاستونو هوښیار وی زیاته یې کړه: د امریکایانو تیر دسیسې ددي ښکارندوی دی چې دوی د خپلو ګټو د ترلاسه کولو په خاطر په هیڅ ډول ژمنې او خبرې ته غاړه نه ږدی .
د نړيوالو اړيکو دغه کارپوه وويل: لويديځوال هيڅکله نه غواړي چې افغانستان يو خپلواک هېواد وي، ځکه چې د افغانستان په ناامنۍ، سقوط او انحلال کې خپلې ګټې ويني.
احمدزي ټینګار وکړ چې د بشر د حقوقو، د ښځو د حقوقو او فردي آزادۍ شعار د امریکایانو لپاره د خپلو شومو موخو د ترلاسه کولو وسیله ده، ځکه د لویدیځو هیوادونو اعلان شوي سیاستونه تل د دوی له پلي شویو سیاستونو سره توپیر لري.
په ورته وخت کې د پوهنتون استاد سید ذاکر حسیني هم افغان غږ خبری آژانس ته وویل چې غربیان له یوې خوا له افغانستان سره د مرستې او د اقتصادي وضعیت د ښه کولو لپاره د جدي هوډ خبره کوي او له بلې خوا په دوه مخۍ لوبې کوي چې اسلامي امارت کمزوری کړي، ترڅو په افغانستان او سیمه کې خپل حضور ته دوام ورکړي.
هغه په ډاګه کړه، که لوېديځوال غواړي چې سوله ټينګه شي او د افغانستان له خلکو سره مرسته وکړي، نو په لومړي ګام کې دې د افغانانو شتمنۍ وباسي او په دويم ګام کې دې له ملګرو ملتونو وغواړي چې د طالبانو د مشرانو نومونه له تور لیست څخه وویستل شو.
حسيني په ټينګار سره وويل چې په افغانستان کې د لويديځو هېوادونو ګټې په جګړه پورې تړلې دي، له همدې امله يې زموږ له هېواد سره دوه مخۍ لوبه کړې او نه غواړي چې افغانان په سوله او آرامۍ کې ژوند وکړي.
هغه څرګنده کړه، د اسلامي امارت مشران باید د غربیانو د دسیسو د مخنیوي په خاطر خپل چلند ته پام وکړي نه خپلو خبرو ته، ځکه لوېدیځوال په افغانستان کې د بې وزلۍ د له منځه وړلو او سولې د ټینګولو اراده نه لري.
د پوهنتون دغه استاد زیاته کړه، چې په افغانستان کې د اسلامي امارت له جوړېدو راهیسې غربیانو د افغانانو د شتمنیو په بندولو سره د هېواد اقتصاد ته ستر زیان اړولی، چې له امله یې د افغانستان او نړۍ د هېوادونو ترمنځ سوداګري کمه شوې ده.
نوموړي د خپلو خبرو په پای کې وویل چې امریکایان د نړۍ له هېوادونو سره په خپل بهرني سیاست کې د باور وړ او صادق دوست نه دي، نو له همدې امله اسلامي امارت باید په خپل بهرني سیاست کې د غربي هېوادونو چلند ته پام وکړي.
په همدې حال کې په افغانستان کې د اروپايي ټولنې ځانګړي استازي توماس نیکولسن څه موده وړاندې ویلي و، چې د اسلامي امارت ځینې کړنې ښايي له افغانستان سره د نړیوالو مالي ملاتړ اغېزمن کړي، خو اروپايي ټولنه به په افغانستان کې د وسله والو مخالفینو ملاتړ ونه کړي.
هغه زیاته کړه، که موږ د بشری حقونو د پرمختګ او ساتنې په برخه کې پرمختګونه ووینو، کولای شو له اسلامی امارت سره رغنده اړیکې جوړې کړو او یا هم د افغانستان د اقتصاد له ثبات سره مرسته وکړو.
avapress.net/vdcirzarut1ayz2.k6ct.html
ټګونه
ډیری لیدل شوي
