اسلامي امارت د هلمند د اوبو په اړه د ۱۳۵۱ کال تړون ته ژمن دی

افغان غږ خبری آژانس - کابل: د ایرنا خبری آژانس پرون د ایران د بهرنیو چارو د وزیر له قوله ولیکل: مونږ به د مطلوبې نتیجې د ترلاسه کولو لپاره خپلو ګډو هلو ځلو ته دوام ورکړو او د هغې د ترلاسه کولو لپاره ټول انتخابونه په اجنډا کښې دی.
 
په همدې حال کې د اسلامي امارت د ویاند مرستیال بلال کریمي سلام وطندار ته وویل چې اسلامي امارت د هلمند د اوبو په اړه د ۱۳۵۱ کال تړون ته ژمن دی.
 
نوموړی زیاتوي: «په اسلامي امارت کې کومه ستونزه نشته. موجوده عنوان په ۱۳۵۱ کال کې لاسلیک شو، چې اسلامي امارت ورته پام کوي».
 
کريمي وايي: «په دې اړه چې اوبه کله کمې او کله لوړې وي، په وچکالۍ پورې اړه لري او د دواړو غاړو خلک ځورېږي.
 
د ایران د بهرنیو چارو وزیر د ایرنا خبری آژانس د خبریال د پوښتنې په ځواب کښې وویل چې په تیر یو نیم کال کښې د دغه هیواد د ولسمشر په حکم او د دغه هیواد د خارجه چارو له سرپرست وزیر سره په صریحه خبرو کښې د دغه هیواد د بهرنیو چارو وزیر د دغه هیواد د بهرنیو چارو له وزیر سره په ښکاره خبرې وکړې او همدارنګه د کاظمي قمي په تعقیب د افغانستان په چارو کې د ایران د ولسمشر ځانګړي استازي او د دغه هیواد د انرژۍ وزیر د هلمند د اوبو موضوع په جدي توګه تعقیب کړې.
 
د ایران د بهرنیو چارو وزیر زیاته کړه چې د اسلامي امارت چارواکي د افغانستان د پخوانیو چارواکو برعکس د ایران ادعا مني او ټینګار کوي.
 
امیر عبداللهیان زیاته کړې، چې د بهرنیو چارو له سرپرست وزیر امیر خان موتاغي سره یې په خپلو وروستیو مفصلو خبرو کې هم د ایران د اشغال موضوع تعقیب کړې ده.
 
د ایران د بهرنیو چارو وزیر تاکید وکړ چې د ایران اسلامی جمهوریت به د مطلوبې نتیجې د تر لاسه کولو پورې ګډ کوششونو ته دوام ورکړی او د هغې د ترلاسه کولو لپاره ټول انتخابونه په اجنډا کښې دی.
 
افغانستان او ایران په ۱۳۵۱ کال کې د هلمند سیند د اوبو د شریکولو تړون لاسلیک کړ.
 
افغانستان په نیمروز ولایت کې د هلمند پر سیند د څه باندې ۲۰۰ میلیونه ډالرو په لګښت د اوبو بند جوړ کړی دی. دغه بند د کمال خان په نوم ونومول شو، چې د ۵۲ میلیونه متر مکعبه اوبو د ذخیره کولو ظرفیت لري او شاوخوا ۱۷۴ زره هکتاره کرنیزه ځمکه خړوبوي.