په سرپل کې د نشه يي توکو د کښت د دوو فابریکو له منځه وړل او د ۷۲ جریبه ځمکې پاکول

افغان غږ خبری آژانس - مزار شریف: د سرپل ولایت د پولیسو ویاند دین محمد نظری، افغان غږ خبری آژانس ته وویل، چې د نشه یی توکو د کښت، تولید او قاچاق د مخنیوی په اړه د اسلامی امارت د رهبری هیئت د فرمان د تطبیق په موخه. د دغه ولایت د امنیه قوماندانۍ د نشه يي توکو پر وړاندې د مبارزې مدیریت کارکوونکو د نشه يي توکو د پروسس دوه فابریکې کشف او ضبط کړې دي.
 
د هغه په ​​وينا، د کوهستانات ولسوالۍ په سنجګي کلي کې د نشه يي توکو د توليد او پروسس يوه فابريکه له ١٥٠٠ کيلوګرامه چرسو او د توليد وسايلو سره کشف او له منځه وړل شوې ده.
 
هغه زیاته کړه؛ دغه راز د دغې قضيې په اړوند يو تن نيول شوى او اوس تر څارنې لاندې دى. په همدې حال کې په سرپل کې د نشه يي توکو د له منځه وړلو بهير په چټکۍ سره دوام لري.
 
د سرپل ولايت د امنيې قوماندانۍ مطبوعاتي مسوول وويل: د سرپل ولايت د نشه يي توکو پر وړاندې د مبارزې مديريت د کشفي راپور په ترڅ کې د نشه يي توکو د پروسس او توليد يوه فابريکه د ١٨٠٠ کيلو ګرامو چرسو او د توليد وسايلو سره يو ځاى کشف او ترلاسه کړل.
 
ده زياته کړه چې ددغې قضيې په اړوند يو تن پيژندل شوى چې له ساحې څخه تښتيدلى او دکشفي او امنيتي ارګانونو له خوا غوښتل شوى دى.
 
د دې تر څنګ د سرپل ولایت د امنیې قوماندانۍ له نشه‎يي توکو سره د مبارزې د مدیریت عمومي رئیس مولوي محمد معصوم صمیم وايي: د کورنیو چارو وزارت د نشه‎يي توکو پر وړاندې د مبارزې د سروې او تحلیل د عملیاتي ټیم د طرزالعمل له مخې دغه اداره به ټولې هغه سیمې چې کوکنار او نشه يي توکي پکې موندل کیږي پلټنه کوي او کرل شوي کښتونه به له منځه وړي.
 
د یادولو وړ ده چې د شمالي ولایتونو اکثرو خلکو د اسلامي امارت د رهبرۍ د هغه حکم هرکلی کړی چې د نشه يي توکو د کښت د بندولو او په له منځه وړلو کې یې له دولت سره همکاري کوي.