د جوزجان ولایت چارواکي وايي، د دغه ولایت د غور تیپه ولسوالۍ کې د نجونو د یوه لومړني ښوونځي په ټولګي کې د لاسي بم د چاودنې له امله دوه زده کوونکي وژل شوي او څلور نور زده کوونکي ټپیان شوي دي.
دخپریدو نیټه :جمعه ۱۱ حمل ۱۴۰۲ ساعت ۱۴:۰۹
د مطلب کود : 267697
افغان غږ خبری آژانس - مزارشریف: د جوزجان د امنیه قوماندانۍ د مطبوعاتو او عامه اړیکو مسوول قاري عبدالستار حلیمي وايي، د تېرې چهارشنبې په ورځ د دغه ولایت په غور تپې ولسوالۍ کې یو شمېر کسانو ته مرګ ژوبله اوښتې ده.
ده زياته کړه: په دې چاودنه کې له اته کلنۍ څخه ښکته دوه ماشومان شهيدان او څلور تنه نور ټپيان شول.
د جوزجان د امنيه قوماندانۍ وياند وايي، چاودنه هغه مهال رامنځته شوه، چې ماشومانو له يوه نامعلوم ځاى څخه لاسي بم موندلى او لوبې يې کولې.
سيمه ييزو سرچينو دغه پيښه تاييد کړه او ويې ويل چې په دې پيښه کې دوه تنه ماشومان شهيدان او شپږ تنه نور ټپيان شول.
د يادونې وړ ده، چې د افغانستان په يو شمېر سيمو کې اوس هم د جګړې له وخته ناچاوده ماينونه شته او هر کال يې قرباني اخلي.
avapress.net/vdccomqim2bqee8.5ja2.html
ټګونه
ډیری لیدل شوي
