نتانیاهو تر دوبي پورې د قضايي اصلاحات وځنډول

افغان غږ خبری آژانس: د المیادین د خبر له مخې، د اسرائیلو لومړي وزیر بنیامین نتنیاهو او د ملي امنیت رئیس ایتامار بین ګوور له یوې غونډې وروسته موافقه وکړه چې د قضايي اصلاحاتو په نوم یاد شوي بدلونونه به وځنډول شي.
 
د راپورونو له مخې دوی د ملي امنیت تر ریاست لاندې د (صهیونیسټ) ملي ګارد پر جوړولو هم هوکړه کړې ده. له بلې خوا صهیونیسټي رسنیو اعلان وکړ چې د موساد پخواني مشر تامیر باردو له نتانیاهو غوښتي چې سمدستي استعفا ورکړي.
 
دصهیونیسټی پوځیانو لوئ درستیز وویل مونږ هیڅکله په اشغال شویو سیمو کښې په دومره ستره پیمانه بهرنی ګواښونه او داخلی شخړې نه دی لیدلی .
 
د بنیامین نتانیاهو د سخت دریځې کابینې د پرېکړو په وړاندې د اعتراضونو په لړ کې د فلسطین په نیواکي سیمو کې د اعتصابونو څپې را وپارولې چې له امله یې د خلکو ژوند له عادي حالت څخه وتلی دی.