د بدخشان او تخار ولایتونو سیمه ییز چارواکي وايي، چې د تېرې شپې زلزلې د سخت ټکان له امله د دغو دوو ولایتونو په ولسوالیو کې تر ۷۰ ډېر د استوګنې کورونه ویجاړ شوي دي.
دخپریدو نیټه :چهارشنبه ۲ حمل ۱۴۰۲ ساعت ۱۶:۳۸
د مطلب کود : 267247
افغان غږ خبری آژانس: د بدخشان ولایت د اطلاعاتو او کلتور رئیس معیز الدین احمدی د افغان غږ خبری آژانس خبریال ته وویل چې دغه د استوګنې کورونه د بدخشان په جرم، کران او منجان، کشم، یاوان او ځینو نورو سیمو کې په جزوي توګه ویجاړ شوي دي.
د هغه په وينا، د زلزلې له امله د اوښتو زيانونو او زيانونو شمېر د بدلون په حال کې دى او احتمال شته چې د تېرې شپې د زلزلې له امله د بدخشان خلکو ته تر هغه زيات زيان اوښتى وي، چې جزييات به يې وروسته له رسنيو سره شريک شي.
دغه راز د تخار ولايت د عامې روغتيا رييس عبدالقهار احمدي هم افغان غږ خبری آژانس ته وويل چې د تېرې شپې د زلزلې له امله په کلفګان ولسوالۍ کې ٢١ کورونه ويجاړ شوي دي.
د امریکا د سیسمولوژیکي مرکز د دغې زلزلې مرکز د بدخشان ولایت په جرم ولسوالۍ کې اعلان کړی، چې شدت یې د ریښتر په کچه ۶،۵ درجې او ژوروالی یې له ځمکې څخه ۱۸۷ کیلومتره دی.
دا زلزله د بدخشان، تخار، کندز، بغلان او د هېواد په یو شمېر نورو ولایتونو کې، د اسلام اباد په ګډون د پاکستان بېلابېل ښارونه، هند او د منځنۍ اسیا هېوادونه هم محسوس شوي دي.
د وروستیو راپورونو له مخې د تېرې شپې زلزلې درې تنه وژلي او ۴۴ نور یې ټپیان کړي دي.
avapress.net/vdcdo50x5yt09x6.lb2y.html
ټګونه
ډیری لیدل شوي
