د رسنیو او قلم خاوندانو شهید کول، د ټولني د پوهاوي په خاطر دي

افغان غږ خبری آژانس - مقدس مشهد: د هرات ولایت د علماوو د شورا پخوانی رئیس مولوی سید احمد اخندزاده تبیان د مرکز او افغان غږ خبری آژانس پر دفترونو باندي د تروریستی برید زړه بوږنونکې پېښې شهیدانو ته د فردوس جنت او ټپیانو ته د روغتیا هیله وکړه او دغه تروريستي بريد په کلکه وغانده او ويې ويل: د اسلام دښمنان په ټوله نړۍ کې د مسلمانانو او آزادۍ غوښتونکو د غږ د خاموشه کولو لپاره دغه ډول وحشیانه بريدونه ترسره کوي.
 
په همدې حال کې لیکوال او سیاسي فعال سید علي سجادي بهسودي هم رسني د حقایقو د موندلو او درک کولو هنر وباله او ویې ویل: څومره زړور او د ازادۍ مبارزینو د خپل حق قلم د ساتنې لپاره خپل ژوند قربان کړی دی.
 
دده په وينا، څومره ښايسته فکر دى چې د قلم په مخ کې ګوتې وهي او هغه کلمې چې د حقايقو د بيانولو خدمت کوي، د ده په وينا، خبريال په حقيقت کې د زمانې پېغمبر دى، خو له وحي پرته.
 
هغه د افغان غږ خبری آژانس پر دفتر تروریستي برید په کلکو ټکو وغانده او ویې ویل: د لیکوالانو او رسنیو شهادت د ټولنې د خبرولو په برخه کې خپل ژور نفوذ څرګندوي.
 
نوموړي د شهیدانو روح ته د دعا او ټپیانو ته د عاجلې روغتیا هیله وکړه، وې ویل: دا پېښه نه لومړی ځل وه او نه به وروستۍ وي.
 
له بلې خوا د پوهنتون استاد او سیاسي فعال سید علي هاشمي د تبیان مرکز او د افغان غږ خبری آژانس په نمایندګیو برید یو زړه بوږنونکی، بزدلانه او غیر انساني عمل وباله او ویې ویل چې افغان حکومت باید د دې پېښې عاملین وغندي او د دا ډول غیر انساني پېښو عاملینو ته سزا ورکړي، تر څو د افغانستان مظلوم ولس د امنیت، سولې او آرامۍ څخه برخمن شي.