په افغانستان کې د ایران د اسلامي جمهوریت سفارت د بلخ ولایت پر دفتر ځانمرګی برید او د مولوي محمد داوود مزمل وژنه په کلکو ټکو وغندله او دا ډول کړنې یې د افغانستان د بې ثباته کولو هڅې يي وبللي.
دخپریدو نیټه :جمعه ۱۹ حوت ۱۴۰۱ ساعت ۱۳:۰۰
د مطلب کود : 266724
په کابل کې د ایران سفارت:
د بلخ د والي پر دفتر ځانمرګی برید د افغانستان د بې ثباته کولو په موخه شوی دی
افغان غږ خبری آژانس - په کابل کې: د ایران د اسلامي جمهوریت سفارت د پنجشنبې په ماښام (حوت ۱۸) د یو ټویټ په خپرولو سره په بلخ ولایت کې تروریستي پېښه غندلې ده.
په افغانستان کې د ایران سفارت په یوه ټویټ کې د تېرې پنجشنبې په ورځ (حوت ۱۸) هغه تروریستي پېښه چې د بلخ د والي ملا محمد داوود مزمل د وژل کېدو لامل شوه، غندلې ده.
په افغانستان کې د ایران سفارت د افغانستان د بې ثباته کولو په هدف د تاوتریخوالي کړنې ارزولي دي.
د مزارشريف ښار په پنځمه ناحيه کې د بلخ د والي د دفتر په دويم پوړ کې پرون سهار شاوخوا لس بجې له ځانمرګي بريد وروسته د بلخ والي محمد داوود مزمل او يو بل تن وژل شوى دى.
داعش ترهګرې ډلې د اعماق خبري اژانس د یوې بیانیې په خپرولو سره د دغه برید مسولیت په غاړه اخیستی دی.
avapress.net/vdccieqi02bqem8.5ja2.html
ټګونه
ډیری لیدل شوي
