په سویس کې د افغانستان کنګل شوې شتمنۍ ۷۰ میلیونه ډالره ګته کړې ده

افغان غږ خبری آژانس - کابل: د افغانستان د وجهي صندوق غړی شاه محمد محرابي وايي چې په سویس کې د افغانستان د وجهي صندوق د قوانینو تابع هم دي او له دغو مرستو څخه باید د پیسو په ورکولو کې استفاده ونه شي.
 
د ښاغلي محرابي د څرګندونو پر بنسټ، د دغه صندوق د غړو په دويمه ناسته کې د افغانستان د بهرنيو اسعارو د زېرمو د ساتنې په اړه د دغه صندوق د اجرايي رييس او د افغان سلاکارانو د کمېټې پر ټاکلو خبرې وشوې.
 
شاه محمد محرابي طلوع نیوز ته وویل: په دې ناسته کې بورډ د نغدو پیسو د عملیاتي برخې د زیاتوالي او د افغانستان په استازیتوب د افغانستان د بهرنیو اسعارو د زیرمو د ساتنې په اړه جدي تصمیمونه ونیول. بورډ موافقه وکړه چې د افانستان نغدي صندوق د عملیاتي لګښتونو لپاره اضافي فنډونه ومومي او په ورته وخت کې پریکړه وشوه چې د دې بسپنې یوه ټاکلې اندازه او کلني عاید د اړین عملیاتي لګښتونو لپاره تخصیص کړي.
 
شاه محمد محرابي د هېواد د شتمنيو د محتوا په اړه وويل: "درې عشاريه پنځه ميليارده افغانۍ له ٣٦ ميليونو ډالرو ګټې سره د تصفيې نړيوال بانک ته لېږدول شوې او د جنورۍ تر پايه يې ٣٤ ميليونه ډالره نوره ګټه هم کړې ده."
 
له بلې خوا د افغانستان د اقتصاد وزارت په دې باور دی چې د هېواد د اقتصاد د ودې لپاره لازمه ده چې د افغانستان شتمنۍ د هېواد مرکزي بانک ته وسپارل شي.
 
د اقتصاد وزارت مسلکي مرستیال عبداللطیف نظري وايي: په بهرنیو بانکونو کې د افغانانو د شتمنیو کنګل کېدل د افغانستان اقتصادي ودې او پرمختګ ته بېلابېل زیانونه اړولي دي. زموږ غوښتنه دا ده چې د دې پیسو اصل او مواد دې اسلامي امارت ته ورکړل شي.
 
د افغانستان وجهي صندوق د ۲۰۲۲ کال د سپټمبر په ۱۴ مه تاسیس شو او د دې صندوق د جوړولو هدف د افغانستان د بهرنیو اسعارو د درې اعشاریه پنځه میلیاردو ډالرو ساتل دي.