پاکستان ۱۲۰ افغانان له بنده خوشي کړل

افغان غږ خبری آژانس - په اسلام آباد کې د افغانستان سفارت په یوه ټویټ کې لیکلي چې دغه شمیره پرون (سه شنبه، دلو ۱۱) خوشې شوي او په پام کې ده چې په راتلونکو ورځو کې ۱۳۰ نور افغانان هم خوشې او افغانستان ته واستول شي.
 
په اسلام آباد کې د افغانستان سفارت د معلوماتو له مخې، پاکستان دوه زره افغان اتباع نيولي او بنديان کړي دي.
 
تر دې وړاندې پاکستان په درې جلا جلا وختونو کې تر ۱۳۰۰ ډېر افغان بندیان چې د دغه هېواد په زندانونو کې وو، خوشې کړي او افغانستان ته یې لېږلي دي. په دغو کسانو کې ښځې او ماشومان هم شامل وو.