د هرات خلک د بېکارۍ له زیاتوالي شکایت کوي

افغان غږ خبری آژانس - هرات: علي محمد یو له هغو کسانو څخه چې د کارګرانو په پاس د کار موندلو لپاره راغلی وايي، چې ۱۶ کاله یې زده کړې کړي، خو د کار په موندلو بریالی نه شو او نن مجبور شو چې په څلورلاري کې ودریږي.
 
هغه وويل، چې په دې سړه هوا کې سهار وختي له کوره راوځي، تر څو ژر چمتو شي، خو اکثره وخت په اونۍ کې هم کار نه پيدا کوي.
 
هغه زياته کړه: "کار نشته او که پيدا شي، د کارګرانو معاشونه دومره کم دي، چې د خپلو کورنيو ورځني لګښتونه هم نه پوره کېږي."
 
له دغو کسانو څخه يوه بله ندا محمد وايي: بېکاري دومره زياته ده، چې له څو ورځو راهيسې کار ته نه شي تللى او آن ماشومان يې هم له خوړو پرته شپې تېروي.
 
ده زياته کړه: له زياتو هلوځلو سره سره هم د بنسټونو له خوا برابرې شوې مرستې نه دي ترلاسه شوي.
 
په داسې حال کې چې د دغو کارګرانو شمېر ورځ په ورځ ډېرېږي، د دوی لپاره مناسب کار نشته.
 
په همدې حال کې د هرات د کار او ټولنيزو چارو رييس مولوي حافظ ميرزا ​​ابو محمد منصور وايي: د پخوا په پرتله هيلې زياتې شوي او لويې اقتصادي پروژې په لاس کې دي.
 
هغه دغه راز په ډاګه کړه، چې په تېرو نهو مياشتو کې ٥٠٠٠ کسانو ته د کار جوازونه وېشل شوي او حکومت هڅه کوي، چې خلکو ته د کار زمينه برابره کړي.
 
هرات د هېواد په لوېديځ کې يو له ګڼ مېشتو ولايتونو څخه دى چې د وروستيو پېښو په ترڅ کې له نورو ولايتونو څخه هم ډېر شمېر هېوادوال له ناامنيو او وچکالۍ څخه د خلاصون او ښه ژوند په موخه هرات ته راغلي دي.
 
سږ کال هرات په تېرو څو کلونو کې د ژمي تر ټولو سړه هوا شاهد دی او دغه کار د ډېرو کارونو د بندېدو او پر خلکو د اقتصادي فشار د ډېرېدو لامل شوی دی.
 
په ورته وخت کې د هرات سوداګر هم د څو ساعتونو د برېښنا د پرې کېدو له امله د دوی د کاروبار له ګډوډېدو شکایت کوي.