حقاني له عربي ژبو دیني عالمانو سره په کتنه کې د اسلامي نړۍ پر یووالي ټینګار وکړ

افغان غږ خبری آژانس - کابل: د مصر، سوډان او فلسطین دیني عالمانو پرون (جدی ۱۶) د کورنیو چارو له سرپرست وزیر سراج الدین حقاني سره وکتل.
 
په دې کتنه کې علماوو د اسلامي امارت د جهادي مبارزې بریا ستایلې او هغه یې د ویاړ او په اتحاد او پرمختګ کې د دغې بریا د دوام غوښتنه وکړه.
 
د مصر، سوډان او فلسطین علماوو له اسلامي نظام څخه په خپل هر اړخیز ملاتړ ټینګار وکړ.
 
د کورنیو چارو وزارت سرپرست سراج الدین حقاني د علماوو د هرکلي پرمهال د اسلامي نړۍ پر یووالي ټینګار وکړ.
 
هغه اتحاد، اطاعت او صداقت د دغې سترې جهادي مبارزې د بریالیتوب اصلي عوامل وبلل.
 
د کورنیو چارو وزارت سرپرست له هغوی وغوښتل چې د افغانستان د کړېدلي ولس غږ خپلو هېوادونو او نړۍ ته په رښتینې مانا ورسوي.
 
تر دې مخکې د مسلمانو عالمانو نړیوالې ټولنې په یوه بیان کې ویلي وو چې د اسلامي امارت له مشر سره د لیدنې لپاره د دې اتحادیې غوښتنه رد شوې ده.
 
د اسلامي نړۍ د عالمانو د اتحاديې عمومي منشي شيخ علي محي الدين قره داغي وويل: دغه هيئت لا هم غوښتل چې اسلامي او نړيوالي دروازې او يا هم د دې امارت لپاره ځينې دروازې پرانيزي او د افغانستان له خلکو سره د مرستو تر څنګ د مرستو د رسولو زمينه برابره کړي. د زده کړې لپاره اړین فنډونه.
 
د اسلامي نړۍ د عالمانو د ټولنې غړى فضل الهادي وزين وايي: د دغه سفر او دغه پلاوي موخه د افغانستان د حالاتو په اړه زده کړه او د افغان حکومت له مشرانو او افغان علماوو سره د نظريو تبادله ده. او همدارنګه د مهمو مسايلو په اړه د نظرونو تبادله چې د اسلامي نظريې څخه بحث او حل ته اړتيا لري.