په تخار کې د سرو زرو د استخراج په درولو سره زرګونه کسان بې کاره شول

افغان غږ خبری آژانس  کابل: د هېواد له بېلابېلو ولایتونو څخه په دغه کان کې یو شمېر کارګران وايي، چې له څو میاشتو راهیسې دوی ته ډېر مالي زیانونه اوښتي دي.
 
دوی د اسلامي امارت له رهبرۍ څخه غواړي چې د خلکو د اقتصادي ستونزو د حل په موخه دې ژر تر ژره په دې ولسوالۍ کې د سرو زرو کان کیندنه پیل کړي.
 
په ورته وخت کې د تخار د کانونو ریاست چارواکي وايي چې د کانونو او پټرولیم وزارت د طرزالعملونو د نه مراعاتولو له امله د دغه ولایت د اکثرو کانونو د استخراج چارې په ټپه ولاړې دي او ډېر ژر به د سرو زرو د کانونو قانوني استخراج پیل شي.
 
په همدې حال کې د سروې او پايلو پر بنسټ په چاه اب تخار ولسوالۍ کې د سرو زرو ټولټال اندازه ۳۱ ټنه اټکل شوې ده. د اقتصادي چارو کارپوهان وايي، که دغه کان په قانوني ډول له خصوصي شرکتونو سره قرارداد شي، نو زرګونه ټنه کار ته به زمينه برابره شي او له دې سند څخه به د تخار ولايت عوايد زيات شي، چې په تخار کې د سيمه ييزو زورواکو له خوا په غير قانوني او غير تخنيکي ډول استخراج کېږي.