ښځې باید د حضرت زهرا (س) په تګلاري سره خپل اولادونه وروزي

افغان غږ خبری آژانس - هرات: نن پنجشنبه د یو لړ شاندارو مراسمو په ترڅ کې د علماوو، محصلینو، دیني عالمانو او د هرات د معلولینو ټولنې د غړو په ګډون د حضرت فاطمه زهرا سلام الله علیها د شهادت ورځ ولمانځل شو.
 
په دې مراسمو کې د هرات ولایت د حجت (ع) د مدرسې مشر حجت الاسلام محمد مطهري د حضرت زهرا (س) په ویاړ د قرآن کریم څو سورتونو او آیتونو نازلیدو ته په اشارې سره وویل: د سورت الکوثر، النور په قرآن کریم کې نور داسې سورتونه او آیاتونه شته چې د حضرت زهرا (س) په ویاړ نازل شوي دي، چې د هغه حضرت د عظمت څرګندونه کوي.
 
دغه دیني عالم ټینګار وکړ چې موږ باید د حضرت فاطمې (س) د شخصیت ابعاد مطالعه کړو چې هغه څوک وه؟ هغه څرګنده کړه: په ځانګړې توګه هغه ښځې چې سواد لري باید زده کړي چې څنګه خپل اولادونه لوی کړل.
 
د دې مدرسې استاد د خپلې وینا په بله برخه کې وویل: معلولیت عیب نه دی او په اسلام کې د فضیلت معیار جسمي روغتیا نه ده، بلکې ایمان، صداقت، ژمنتیا، پوهه او وړتیا د ټولنې د هر فرد د غوره والي معیارونه دي.
 
هغه زیاته کړه: د یو انسان ارزښت هغه وړتیاوې دي چې د ټولنې لپاره ګټورې وي او ګټه ترې واخیستل شي.
 
په دې مراسمو کې د هرات د معلولينو ټولنې مشر علي حقشناس او په هرات کې د تبيان د ټولنيزو کلتوري فعاليتونو د مرکز د نماينده ګۍ مسئول سيد عبدالله ناياب د فاطمې (س) د ورځې او د معلولينو د ستونزو په اړه خبرې وکړې. .
 
د هرات د مهدي جبریل د معلولینو ټولنه د هرات ښار په دولسمه ناحیه کې یو له فعالو مرکزونو څخه دی.
 
د دې ټولنې شاوخوا ۵۰۰ تنه معلولین چې نارینه او ښځینه دواړه یې غړي دي، د خپلو ټولګیو، غونډو او مراسمو د تر سره کولو لپاره د مناسب ځای له نشتوالي شکایت کوي او له خیریه بنسټونو او عامو خلکو یې غوښتي چې له دوی سره نغدي مرسته وکړي. د ځمکې یوه ټوټه اخیستل او د مرستې لپاره دایمي مرکز جوړول.