د امنیتي ځواکونو لپاره د سمارټ ټلیفونونو په کارولو بندیز ولګول شو

 

د کندهار د والي ویاند حاجي زید افغان غږ خبری آژانس ته وویل: دا پریکړه په ښار او ولسوالیو کې د لازیات امنیت د تامین په موخه شوې، ترڅو هغه امنیتي ځواکونه چې په دندو بوخت دي، د خپلو دندو په اړه لا زیات پوه شي.

 

حاجي زید زیاته کړه: په دندو کې غفلت د اسلامي امارت د مسؤلینو لپاره د منلو وړ نه دی او د امنیت د تامین په برخه کې باید هر امنیتي ځواک هڅه وکړي چې د خلکو د امنیت د تامین په برخه کې تر ټولو ښه کار وکړي.

 

د کندهار ولايت اوسېدونکي محمد جان افغان غږ خبری آژانس ته وويل: د کندهار ښار د امنيت شورا له دې پرېکړې ډېر خوښ دى، ځکه د ده په وينا، په دې وروستيو ورځو کې د شپې له خوا د موبايلونو او موټرسايکلونو د غلا پېښې زياتې شوې دي. د امنیتي ځواکونو د ګزمو غفلت، له همدې امله، دا ډول مثبت اقدامات کولی شي د امنیت بهیر ښه کړي.

 

د ښار د امنیت امر مجاهد احمد افغان غږ خبری آژانس ته وویل: امنیتي ځواکونه د خلکو د امنیت د تامین لپاره شپه او ورځ کار کوي، خو یو شمېر امنیتي ځواکونه د خپلو دندو په ترسره کولو کې د غفلت له امله بې غوري کوي.