د افغانستان او پاکستان ترمنځ د سوداګرۍ ستونزې به ډېر ژر حل شي

افغان غږ خبری آژانس - کابل: نن سه شنبه (عقرب ۱۷) د اسلامي امارت د صنایعو او سوداګرۍ وزارت د یوې اعلامیې په خپرولو سره ویلي چې د دغه وزارت مرستیال مولوي قدرت الله جمال د افغان سوداګرو له فعالانو سره چې په کابل کې میشت دي، وکتل. په پاکستان کې سوداګرو ته د خدمتونو د وړاندې کولو، پانګوالو، د سوداګرۍ د اسانتیاوو او اداري چارو په اړه خبرې وشوې.
 
مولوي جمال وويل، په بندرونو او غځېدلو لارو کې د کار د ډېروالي له امله د سوداګريزو فعاليتونو زياتې پاملرنې ته اړتيا لري، چې ډېر ژر به ورته پاملرنه وشي.
 
نوموړي د سوداګرۍ او صنایعو خونې د فعالانو د غوښتنو او ستونزو په اړه د رهبرۍ، مدیریت او راپور ورکولو په برخه کې د ښه والي په اړه خبرې وکړې او ژمنه یې وکړه چې ډېر ژر به یې نیمګړتیاوې حل کړي.
 
په پاکستان کې مېشتو سوداګرو هم د خپلو فعالیتونو، لاسته راوړنو او د خپلې کاري ساحې اړوند مسایلو په اړه معلومات ورکړل او د صنعت او سوداګرۍ وزارت له مشرتابه یې د ملاتړ غوښتنه وکړه.
 
دا په داسې حال کې ده چې د افغانستان د بیارغونې په چارو کې د امریکا د ځانګړي مفتش د راپور له مخې د لومړي ځل لپاره پاکستان ته د افغانستان صادرات له دغه هېواد څخه د وارداتو په پرتله زیات شوي دي.
 
سیګار په خپل تازه راپور کې لیکلي، چې د ۲۰۲۱ کال له جولای څخه تر ۲۰۲۲ کال پورې افغانستان پاکستان ته د ۷۹ میلیونو ډالرو په ارزښت صادرات درلودل.
 
د دغه راپور له مخې، افغانستان په دې موده کې پاکستان ته د ۷۹۶،۴ میلیونه ډالرو په ارزښت توکي صادر کړي او د ۷۱۷ میلیونه ډالرو په ارزښت توکي یې وارد کړي دي.
 
د افغانستان زیاتره صادرات د سون توکي دی، چې د ډبرو سکاره پکې شامل دي. دغه راز ټوکر او تازه او وچه مېوه پاکستان ته د افغانستان صادراتي توکي دي. خو په دې موده کې افغانستان له پاکستان څخه خوراکي توکي، درمل او لرګي واردوي.