اسراییل د حزب الله غوښتنو ته تسلیم شو

افغان غږ خبری آژانس - کابل: وروسته له هغې چې د اسرائیلو صدراعظم یایر لاپید له لبنان سره د خبرو لپاره د امریکا د منځګړیتوب پلان ومانه، نتانیاهو ومنله چې یایر لاپید د اسرائیلو د صدراعظم په توګه تر ټاکل کیدو وروسته په دریو میاشتو کې د حزب الله ټولو غوښتنو ته تسلیم شو.
 
د صهیونیسټ رژیم لومړی وزیر یایر لاپید د سه شنبې په ورځ (۲۰میزان) له لبنان سره د سمندری سرحدونو د ایستلو لپاره د امریکې په منځګړیتوب د وروستی پلان د منلو اعلان وکړ او د تل آویو د رضایت کچه ​​یې اعلان کړه.
 
لاپيد خبر ورکړ چې د صهيونېسټ رژيم امنيتي کابينه به سبا له لبنان سره د پولو د سپينولو د موافقې د تصويب لپاره غونډه وکړي او دغه موافقه يې د صهيونېسټ رژيم لپاره يوه تاريخي بريا وبلله او ويې ويل چې دغه موافقه د ټولو امنيتي او اقتصادي غوښتنو پوره کول دي.
 
خو دصهیونیسټ رژیم پخوانی لومړی وزیر بنیامین نتانیاهو ددغه موافقې په وړاندې غبرګون وښود او ویې ویل : دا تاریخي موافقه نه ده بلکې یوه تاریخي تسلیمي ده او څه دپاسه یوه لسیزه کیږي چې زما په مشرۍ حکومتونو د نصرالله په وړاندې تسلیمي نه ده کړې . ګواښونه
 
نتانیاهو دا هم ویلي چې د رژیم نوی لومړی وزیر یایر لاپید واک ته له رسېدو وروسته په دریو میاشتو کې د حزب الله ټولو غوښتنو ته په بشپړه توګه تسلیم شو.
 
هغه دا هم وویل: هغه مساوات چې لاپید ټاکلی دا دی چې ګواښ ته په تسلیمۍ سره ځواب ورکول کیږي. دا مسله د اسراییلو د امنیت لپاره ستراتیژیک خطر دی.
 
په داسې حال کې چې عبراني رسنۍ د همدې میاشتې په نهمه نېټه د کارېش له ډګر څخه د ګازو د استخراج د پیل په اړه بحثونه کول، څو ساعته وروسته یې د کیسې اساس بیان کړ او اعلان یې وکړ: تل ابیب د امریکا له منځګړی (اموس هوچسټین) څخه پوښتنه وکړه. لبنان ته د سرحد د ټاکلو قضیه باید خبر ورکړي چې نن به له خپل ساحې څخه ګاز نه استخراجوي او تل ابیب غواړي د حزب الله عمومي منشي ته دا پیغام واستوي چې جګړه نه غواړي.