مجاهد: افغانستان د سیمې په نښلولو کې متوازن او بې طرفه سیاست لري

افغان غږ خبری آژانس - کابل: د اسلامی امارت ویاند ذبیح الله مجاهد زیاته کړه: دا پالیسي باید باثباته وي، دا پالیسي باید وساتل شي او ملاتړ یې وشي. دا چې موږ دا متوازن سیاست د اوږدې مودې لپاره ساتو او یو طرفه نه یو. که خدای مه کړه دا یو طرفه شي، بهرنیان به د مداخلې لپاره لاره ومومي او زموږ په لاس کې شته فرصتونه به له لاسه ورکړي."
 
د سیمه ییز اتصال د فرصتونو او ننګونو په کنفرانس کې چې په ارګ کې د سیمه ییزو مطالعاتو د مرکز له خوا جوړ شوی و، د اسلامي امارت یو شمیر څیړونکو او چارواکو په سیمه کې د افغانستان پر اهمیت خبرې وکړې.
 
د وزیرانو شورا اداري مرستیال عبدالسلام حنفي په سیمه ییز اتصال کې د افغانستان رول مهم وباله.
 
ښاغلي حنفي ډاډ ورکړ، چې ډېر ژر به په هېواد کې د ټاپي، کاسا ۱۰۰۰، ریل پټلۍ، نوري فایبر او یو شمېر نورو پروژو کار پیل شي.
 
د دغه وزارت اداري مرستیال وویل: د سیمه ییز اتصال لپاره د افغانستان رول خورا مهم او ستراتیژیک دی. "افغانستان د سیمه ییز اتصال لپاره د اسیا د لارې په توګه ځانګړی موقعیت لري."
 
هغه زیاته کړه: زموږ امنیت د ټولې اسیا او حتی نړۍ لپاره مهم دی. همدارنګه که افغانستان ناامنه شي، خدای مه کړه په ټوله اسیا به منفي اغیزې ولري. نو پکار ده چې ټوله سیمه د اوسني امنیت ملاتړ وکړي او ګټه ترې واخلي.
 
بل خوا د سیمه ییزو مطالعاتو د مرکز یو شمېر څېړونکي د افغانستان اوسنی وضعیت د سیمې د نښلولو لپاره مهم بولي.
 
د سیمه ییزو مطالعاتو د مرکز غړي عبدالصبور مبارز په دې کنفرانس کې وویل:«وضعیت جیو پولیټیکل دی. هغه پروژې چې لا دمخه لاسلیک شوي دي. د دې ترڅنګ د اسلامي امارت د اقتصادي اړخه بهرنۍ تګلاره او په افغانستان کې امنیت بل لوی فرصت دی.
 
د دغه کنفرانس په پرېکړه لیک کې له اسلامي امارت غوښتل شوي چې د سیمه ییز اتصال لپاره بې پرې سیاست غوره کړي او له ګاونډیو هېوادونو سره ګډ بازار جوړ کړي.