په کندز کې د پولیسو د یونیفورم د ویش بهیر پیل شو

افغان غږ خبری آژانس - مزارشریف: د کندز د پولیسو ویاند عبیدالله عبیدی نن دوشنبه (۱۳۹۶ کال، میزان ۱۳) رسنیو ته وویل: په کندز کې د یونیفورم د وېش بهیر دوه ورځې وړاندې پیل شوی او تر راتلونکو څو ورځو به دوام وکړی.
 
د هغه په ​​وينا، هره ورځ د کندوز په مرکز کې سلګونو پوليسو ته يونيفورم وېشل کېږي او له هغه وروسته به په ولسواليو کې هم دغه لړۍ پيل شي.
 
د کندوز د امنيې قوماندانۍ وياند زياته کړه چې د دغه ولايت امنيه قوماندان د تذکرو د وېش بهير څاري او دا پروسه په منظم ډول روانه ده.
 
دا په داسې حال کې ده، چې تر دې وړاندې هم ښاريانو د امنيتي ځواکونو د ځانګړو يونيفورمونو له نشتوالي شکايت کاوه او ويل يې، چې په شخصي جامو کې د امنيتي ځواکونو ګزمې د هغو کسانو د فعاليتونو زمينه برابروي، چې له فضا څخه کار اخلي.