د تخار ولایت سرچینې او سیمه ییز چارواکي د تالقان ښار د تبادلې په بازار کې د لاسي بم د چاودنې خبر ورکوي. د دوی په خبره، په دې پېښه کې یو تن وژل شوی او درې نور ټپیان شوي دي. خو پولیس یوازې د ۳ کسانو د ټپي کېدو پخلی کوي.
دخپریدو نیټه :شنبه ۲۶ سنبله ۱۴۰۱ ساعت ۱۱:۵۹
د مطلب کود : 258716
افغان غږ خبری آژانس - مزارشريف: د تخار ولايت د دولتي سرچينو د معلوماتو له مخې، دا چاودنه نن سهار اته بجې د مرکز تالقانو ښار د تاريخي تبادلې په بازار کې شوې ده.
د دوی په وینا په دې پېښه کې یو تن وژل شوی او ۳ نور ټپیان شوي دي.
په همدې حال کې د تخار د پولیسو ویاند عبدالمبین صافي افغان غږ خبری آژانس ته وویل: چاودنه د لاسي بم له امله شوې چې یوه کس دغه لاسي بم د تبادلې په دوکان کې وچاودېد او درې تنه یې ټپیان کړل.
صافي د هغه کس د هويت په اړه څه ونه ويل، چې دغه لاسي بم يې لېږدولى، خو زياته يې کړه: د لاسي بم د لېږدوونکي په ګډون ټپيان په روغتون کې تر درملنې لاندې دي.
avapress.net/vdcezv8wpjh8nfi.r6bj.html
ټګونه
ډیری لیدل شوي
