په کابل کې د روسیې پر سفارت ترهګریز برید د «امریکا» کار دی او موخه یې د کابل او مسکو د اړیکو خرابول دي!

افغان غږ خبری آژانس - کابل: د تروریستانو په وړاندې د تبیان د ټولنیزو فرهنګی فعالیتونو د مرکز او افغان غږ خبری آژانس د عمومی رئیس، حجت الاسلام والمسلمین سید عیسی حسینی مزاری په کابل کې د روسیې پر سفارت برید غبرګون بشپړ متن په لاندې ډول دی:
بسم تعالی
چاودنې او ځانمرګی د خدای او انسانیت خلاف عمل دی او د خلکو د وژلو او د هېواد د بنسټونو د ویجاړېدو لامل دی، خو د سیاسی موخو لپاره د سفارتونو په ګډون پر دیپلوماتیکو ځایونو بریدونه تر بل هر ترهګریز برید ډېر د غندلو وړ کار دی. یو ډیپلوماټیک ځای په حقیقت کې د هغه هیواد په ځمکنۍ بشپړتیا باندې برید دی. په کابل کې د روسیې د سفارت مخې ته ځانمرګی برید چي یو شمېر هېوادوالو او روسانو پر وژل کېدو سربېره د کابل او روسيي ترمنځ د اړیکو د خرابولو په موخه ترسره شوی دی، اسلامي تل هڅه کړې، چې په افغانستان کې د سولې او ثبات د ټینګښت او له خپل مسلمان ملت او حکومت سره د همکارۍ په خاطر په خپلو دندو کې د روسیې د ډیپلوماتانو سره اړیکي ساتلي دي.
 
زه په خپله او د تبیان مرکز او د افغان غږ خبری آژانس د لویو ارګانونو په استازیتوب دغه برید په کلکه وغندم، د خپلو یو شمېر هېوادوالو په شهادت د خواشینۍ او د هغوی له کورنیو سره د خواخوږۍ او ډاډګیرنې مراتب د دغه هېواد د ډیپلوماتانو د مړینې په خاطر وړاندې کوم. د روسیې ستر هیواد چې د سفارت په مشرۍ ترسره کیږي، زه د هغه هیواد او د هغه له لارې د روسیې چارواکو په ځانګړې توګه ولسمشر پوتین ته خپله خواخوږي وړاندې کوم.
 
که څه هم د هېواد امنیتي بنسټونه په داسې حالاتو کې خپله دنده سرته رسوي، خو بیا هم د اسلامي امارت له استخباراتي ادارې څخه غوښتنه کوم، چې دې عملیاتو ته دې د بلې هرې پېښې په پرتله جدي پاملرنه وکړي، تر څو د خپلو داخلي او خارجي عواملو د موندلو په موخه هلې ځلې وکړي، د اړینو معلوماتو له ترلاسه کولو او په دې پېښه کې د امریکا د اړوندو ادارو د پټو لاس وهنو په څرګندولو سره، د داعش تر نامه لاندې باید هر فرد په عام محضر کې اعدام شي.
 
سید عیسی حسینی مزاری
د تبیان د کلتوري او ټولنیزو فعالیتونو د مرکز عمومي رییس
۱۵ سنبله ۱۴۰۱
عيني شاهدان وايي، په دې چاودنه کې د دوو روسي ډيپلوماټانو په ګډون لږ تر لږه شل تنه وژل شوي او ټپيان دي. د دوی د څرګندونو له مخې، چاودنه په داسې حال کې شوې چې محصلین د خپلې تحصیلي ویزې د ترلاسه کولو لپاره د روسیې سفارت ته روان وو. خو د کابل امنیه قومندانۍ په دې چاودنه کې د وژل شویو او ټپیانو شمېر یو تن بللی دی.
روسیې د دغه ترهګریز برید د جدي تعقیب او د اسلامي امارت له حکومت څخه یې د عاملینو د پیژندلو او نیولو غوښتنه کړې ده.