د بلخاب د بیځایه شویو سخت ژوند لږ تر لږه ۱۰ ماشومان وژل شوي دي

افغان غږ خبری آژانس - بامیان: د بامیان ولایت له یکاولنګ ولسوالۍ څخه د سوخته، پیتاب او ګندهیه سیمو شاوخوا سل بلخابي کورنۍ بې ځایه شوې دي.
 
د دغو کډوالو په وینا په دې ورځو کې سلګونه نورې کورنۍ له سرپناه، جامو او خوراکي توکو پرته د غره لمنو ته ځي.
 
نسیمه؛ د سرپل ولایت د بلخاب ولسوالۍ د ګلورز د سیمې یو تن بې ځایه شوي د افغان غږ خبری آژانس ته وویل: کابو ۱۵ ورځې کیږي چې موږ په غرونو او دې کلي کې مهاجر شوي یو او د څو شپو په ترڅ کې مو په غرونو کې له لسو څخه تر ۱۵ پورې ماشومان مړه شوي، «هغوی د یخنۍ له امله مړه شوي او یو شمېر نور ماشومان په سینه بغل اخته شوي دي».
 
نوموړي له ملي او نړيوالو موسسو غوښتنه وکړه، چې له دغو بې ځايه شويو کورنيو سره د جامو، خوراکي توکو او روغتيايي مرستو په برخه کې همکاري وکړي.
 
جميله; يو بل بې ځايه شوي کس چې د سرپل ولايت د بلخاب ولسوالۍ او د باميان ولايت د يکاولنګ ولسوالۍ تر منځ په پوله د "زرد تله" په سيمه کې د غره په لمن کې ژوند کوي پرته له دې چې يوه خيمه هم ولري، افغان غږ خبری آژانس ته وويل: د جګړې له پيل وروسته زما يو ماشوم په سړک کې وو، هغه ورکه ده، زما وړه لور پاتې ده او موږ د دوی د برخلیک په اړه هیڅ خبر نه یو."
 
په بلخاب ولسوالۍ کې جګړې زرګونه کورنۍ بې ځایه کړې دي. تر اوسه کومې ادارې له دغو بې ځایه شویو سره مرسته نه ده کړې. په وروستۍ پیښه کې د ایران اسلامي جمهوریت دغو بې ځایه شویو ته د مرستو یوه لړي لیږلې ده.
 
خو په دې وروستيو کې د باميان والي چې د بلخاب ولسوالۍ له بې ځايه شويو خلکو سره د ليدنې په موخه يې د يکه ولنګ ولسوالۍ ځينو سيمو ته سفر کړى و، د بلخاب ولسوالۍ د خلکو د بې ځايه کېدو هر ډول ادعاوې رد کړې او دغه ادعاوې يې بې بنسټه وبللې.