بلینکن د شمالي کوریا د اټومي ازموینو ترسره کولو د چمتووالی اعلان وکړ

افغان غږ خبری آژانس، د امریکا د بهرنیو چارو وزیر انتوني بلینکن ویلي، متحده ایالات خبر دي چې شمالي کوریا اټومي ازموینو ته تیاری نیسي او واشنګټن په سیمه کې د خپل پوځي حضور د تنظیمولو په ګډون د دې مسئلې د حل لپاره له متحدینو سره په خبرو بوخت دی.
 
"موږ پوهیږو چې شمالي کوریا د دې ډول ازموینې لپاره چمتو ده ، او موږ یې له نږدې تعقیب کوو" د بهرنیو چارو وزیر د ریانوستي خبری آژانس له قوله ویلي. "موږ له خپلو متحدینو او شریکانو سره په تماس کې یو، چې د هر ډول سناریو لپاره چمتو واوسو."
 
بلینکن پر شمالي کوریا غږ وکړ چې له داسې کړنو دې ډډه وکړي، ویې ویل چې د شمالي کوریا اټومي ازموینې به د سیمې لپاره خطرناکه وي.
 
بلینکن وویل: "موږ چمتو یو چې په لنډمهاله او اوږدمهاله کې په خپل نظامي حضور کې تکیه وکړو."
 
هغه وویل: "ما مخکې هم ویلي وو او اوس هم تکراروم چې موږ د شمالي کوریا پر وړاندې دښمني نه لرو."
 
تیره شپه، سویلي کوریا اعلان وکړ چې شمالي ګاونډی یې د څو هدفونو لانچ پیډ څخه څو راکټونه توغولي دي.
 
په همدې حال کې د امریکا، جنوبي کوریا او جاپان د دفاع وزیرانو پرون موافقه وکړه چې د شمالي کوریا د قدرت د مخنیوي لپاره به تمرینات وکړي.
 
د تمرین هدف د پیونګ یانګ د توغندیو د ځواک په مخنیوي تمرکز دی.
 
د یادو هېوادونو پوځونه به د تمرین پر مهال د شمالي کوریا له خوا د توغول شویو توغندیو د مخنیوي تمرین وکړي.