په ارزګان ولایت کې امنیتي چارواکي وايي په ګېزاب ولسوالۍ کې ۱۷ وسلهوال طالبان په هوايي برید کې وژل شوي دي.
دخپریدو نیټه :پنجشنبه ۱ عقرب ۱۳۹۹ ساعت ۱۶:۵۴
د مطلب کود : 221236
د اتل قول اردو ویاند احمد صادق عیسی ازادي راډیو ته وویل، دا برید تېره شپه وشو.
هغه زیاته کړه: "په تېرو ۲۴ ساعتونو کې د ارزګان په ګېزاب ولسوالۍ کې د هوايي بريدونو پر وخت ۱۷ طالبان وژل شوي او ۱۰ نور ټپیان دي، وسلهوالو طالبانو پلان درلود چې پر امنيتي پوستو بريدونه وکړي، خو د هوايي بريدونو پر مهال د هغو دغه پلان شنډ شو."
افغان امنیتي چارواکي وايي، د دې برید هدف په دهراوود ولسوالۍ کې د هغه سیمو بېرته نیول دي چې طالبانو په وروستیو کې لاندې کړې دي.
په دې اړه طالبانو لا څه نهدي ویلي.
سرچينه : د صدای افغان خبری آژانس(آوا)
avapress.net/vdcbf8b50rhb55p.q3ur.html
ټګونه
ډیری لیدل شوي
