صدیقي: د طالبانو له لوري د تاوتريخوالي زياتېدل د سولې بهیر زیانمنوي

ښاغلي صدیقي پر خپله ټویټر پاڼه لیکلي، په دې ورستیو کې د طالبانو له خوا د هیواد په ډېرو ولایتونو کې د تاوتریخوالي زیاتوالي د افغانانو اونړیوالې ټولنې هیلې زیانمنې کړې دي او زیاته کړې یې ده چې طالبان دې له تاوتریخوالې لاس واخلي او په ریښتینې توګه دې د سولې بهیر ته کار وکړي.
نوموړی دا خبرې ورسته تر هغه کوي چې تېره ورځ د فغانستان امنیت شورا هم د طالبانو له خوا د تاوتریخوالي پر زیاتوالي اندېښنه څرګنده کړې وه او ویلي یې و، چې طالبانو تېره اوونۍ د هیواد په بېلابېلو ولایتونو کې ۶۸ ملکي وکړو ته مرګ ژوبله اړولې ده.