حشمت الله شاهدي دا ځل له یوه بدلون سره لوبه کول غواړي

نوموړي د کرېکټ مینه والو ته ډاډ ورکړی دی چې نه غواړي پر لوبډله بوج شي او له دې وروسته به له ښه سټرایک رېټ سره ولوبېږي.
بل لور ته حمید حسن ملي لوبډلې سره یوځای کېږي او کریم صادیق بیا له هرډول کرېکټ سره د خدای په امانۍ پرېکړه کړې ده.
حسن وروسته له هغې له کرېکټ څخه ګوښه پاتې شو کله یې چې پښه عربی متحده اماراتو کې د لوبې پرمهال ټپي شوه. په ۲۰۱۹ کال نړیوال جام کې ولوبېد، خو روغتیا یې ډېره ډاډمنه نه وه او د پاکستان خلاف لوبه کې کېناست.
نوموړي اوس ویلي چې دا ځل له پوره روغتیا سره لوبډلې سره یو ځای کېږي، تمریناتي کمپ کې برخه اخلي او چې نتیجه یې ښه وه، نو اسیا جام او نورو لوبو کې به د افغانستان ملا ور وتړي.