په ترکمنستان او د پېسېفک یا ارام سمندر په ټوالو ټاپو کې څه شی مشترک دي. دواړه د هغو هېوادونو او سيمو له جملې څخه دي چې د اپرېل تر لومړۍ نېټې په کې د کورونا وېروس کومه مثبته پېښه نه ده ثبت شوې.
دخپریدو نیټه :شنبه ۱۶ حمل ۱۳۹۹ ساعت ۱۰:۴۰
د مطلب کود : 206787
امریکا کې د جانس هاپکنز پوهنتون د راټولو شويو شمېرو له مخې کورونا وېروس يا کووېډ ۱۹ لږ ترلږه ۱۸۰ هېوادونو او سيمو ته رسېدلی دی او په نړيواله کچه پر دغه وېروس د اخته کسانو شمېر له ۹۰۰ زرو اوښتی دی.
د دې وېروس له امله تراوسه له ۴۸ زرو زيات کسان مړه شوي او ۲۰۰ زره پرې له اخته کېدو وروسته روغ شوي دي. خو ۴۰ داسې سيمې دي چې هلته د کورونا وېروس پېښه په رسمي ډول نه ده ثبت شوې.
د دې علت څه کېدی شي؟
د دې سيمو ډېری د ټوالو په څېر دي، د لږ نفوس ټاپو چې د خلکو لږ تګ او راتګ په کې دی.
له دې ځينې بيا د سيلانۍ سيمې دي، خو په نړيواله کچه پر سفر د بنديزونو له امله هلته خلک نشي تللی.
بند رژيمونه
خو په ځينو هېوادونو کې بيا حالت پېچلی او نازک دی.
ترکمنستان په نړۍ کې يو له ځپونکو حکومتونو څخه دی، دوی د ''کورونا وېروس'' پر نامه هم بنديز لګولی دی.
avapress.com/vdcfcvd0ew6dxea.,ziw.html
ډیری لیدل شوي
