شانګهای سازمان به د افغانستان بحران حل لپاره به په ګډه هڅه وکړی

د دې سند هدف د غړو هېوادونو په وینا د افغانستان کړکېچ ته چې د یوې حل لارې موندل دي.
د دې موافقې مسوده د افغانستان او قرغزستان د بهرنیو چارو وزیرانو د اپریل په ۲۰مه د افغانستان او د شانګهای د همکارۍ د سازمان د تماس ډلې په غونډه کې چمتو کړې وه.
د قرغزستان ولسمشر سورون بای جین بیکوف چې هېواد یې د دې سرمشریزې کوربه دی په خپله پرانېستونکې وینا کې وویل، د شانګهای د همکارۍ د سازمان یوه مهمه دنده به دا وي چې د افغانستان د بحران د حل لپاره به په ګډه هڅې کوي.
د بشکېک د سرمشریزې په اعلامیه کې راغلي، د دې ټولنې غړي هېوادونه په‌دې باور دي چې د شانګهای د همکارۍ د سازمان د غړو هېوادونو په سیمه کې د امنیت او ثبات د ټینګښت لپاره مهم او اساسي فکتور د افغانستان د کړکېچ سمدستي حل دی.

بیان زیاتوي چې د دې سازمان غړي د سیاسي ډیالوګ له لارې د سولې او اقتصادي پرمختګ او د تروریزم او مخدرو موادو پرضد په مبارزه کې د افغان حکومت او خلکو د هڅو ملاتړ کوي.
اعلامیه زیاتوي، د افغانستان د جګړې پای ته رسول له سیاسي حل‌لارې او د افغانانو په مشرۍ او مالکیت د ټولو ښکېلو اړخونو په ګډون د سولې له پروسې پرته بل بدیل نه‌لري.
روسیه، چین، قرغزستان، قزاقستان، ازبکستان، تاجکستان، هند او پاکستان د شانګهای د همکارۍ د سازمان اته دایمي غړي او افغانستان، ایران، بېلاروس او مالداویا یې څارونکي غړي دي.