د چین ولسمشر د افغانستان د سولې په پروسه کې د پاکستان همکاري مهمه بللې او ډاډ یې ورکړی چې چین په افغانستان کې د افغانانو په مشرۍ او مالکیت او د ټولو اړخونو په ګډون د سولې د پروسې ملاتړ کوي.
دخپریدو نیټه :جمعه ۲۴ جوزا ۱۳۹۸ ساعت ۱۰:۱۹
د مطلب کود : 186687
ارګ په یوه خبرپاڼه کې وايي، شي جین پېنګ له ولسمشر اشرف غني سره په کتنه کې ژمنه کړې ده چې پېکېنګ به اسلاماباد د افغانستان د سولې له پروسې سره همکارۍ ته وهڅوي.
دواړو ولسمشرانو پرون د غبرګولي په ۲۳ مه نېټه د قرغزستان په پلازمېنه بشکېک کې سره وکتل.
په خبرپاڼه کې د ولسمشر غني له قوله راغلي دي چې وايي، په افغانستان کې سوله د ټولې سیمې په ګټه ده او له طالبانو سره د خبرو لپاره د سیمهییزې اجماع په رامنځته کولو کې د چین رول مهم دی.
طالبانو تردې دمه له افغان حکومت سره خبرې رد کړي دي.
دا لومړی ځل نهدی چې چین په افغانستان کې د سولې له هڅو څخه ملاتړ اعلانوي او پهدې برخه کې د پاکستان د همکارۍ پر اړتیا ټینګار کوي.
avapress.net/vdcbw0b8zrhbw0p.q3ur.html
ټګونه
ډیری لیدل شوي
مربوطه لیکنې
[۲۴ جوزا ۱۳۹۷] 
[۸ میزان ۱۳۹۷] 
[۱۹ حمل ۱۳۹۷] 
[۲۴ حمل ۱۳۹۷] 
[۲۶ دلو ۱۳۹۷] 
