د ننګرهار سیمه ییز چارواکي وایي په افغانستان کې میشت امریکایي ځواکونو په خوږیاڼو ولسوالی کې د داعشیانو پر پټنځایونو هوایي بریدونه ترسره کړي، چې په له امله یې د داعش څلور غړي وژل شوي او د دوی د روزنې دوه مرکزونه لمنځه تللي دي.
دخپریدو نیټه :شنبه ۱۴ میزان ۱۳۹۷ ساعت ۱۸:۱۰
د مطلب کود : 172142
د ننګرهار ولایت مقام په یوه بیان کې ویلي ”ننګرهار ولایت د خوږیاڼو ولسوالۍ په ماشین درې سیمه کې تېءه ورځ د بهرنیو ځواکونو بې پیلوټه الوتکې په هوایي بریدونو کې د داعش ډلې څلور غړي ووژل شول، د دوی د روزنې دوه مرکزونه او د وسلو او مهماتو یوه ډیپو لمنځه یوړل شوه. “
خبرپاڼه زیاتوي، چې د دې بریدونو پر مهال ملکي وګړو ته کوم مالي او ځاني زیان نه دی اوښتی.
د دولت ضد وسله والې ډلې تر اوسه په دې اړه څه نه دي ویلي.
ننګرهار د افغانستان په ختیځ کې له پاکستان سره ګډه پوله لري چې د هېواد له ناامنه او د طالبانو او داعش د جنګیالیو د فعالیت سیمه ګڼل کېږي.
د یادونې وړ ده چې د ننګرهار ولایت په ځېنو ناامنو ولسوالیو کې د داعشیانو او نورو وسله والو ډلو په وړندې چاڼیز عملیات او هوایي بریدونه دوام لري.
avapress.net/vdcc0iqsi2bqms8.5ja2.html
ټګونه
ډیری لیدل شوي
مربوطه لیکنې
[۱۵ عقرب ۱۳۹۶] 
[۲۵ اسد ۱۳۹۷] 
[۲ عقرب ۱۳۹۷] 
[۲۳ عقرب ۱۳۹۵] 
[۱۸ میزان ۱۳۹۷] 
