د افغانستان دفاع وزارت وايي، د غور ولایت د تولک ولسوالۍ وضعیت د قناعت وړ دی او د دولت وسله وال مخالفین نشي کولی دا ولسوالي ونیسي.
دخپریدو نیټه :شنبه ۱۷ سنبله ۱۳۹۷ ساعت ۰۹:۰۴
د مطلب کود : 170276
د دفاع د وزارت ویاند غفور احمد جاوید په دی اړه وویل:
"د غور تولک ولسوالي به سقوط ونه کړي، جګړه شوې ده خو دا په د ې معنا نه ده چې دا ولسوالي به سقوط وکړي، موږ هلته کافي ځواکونه لروو او خلک باید اندیښنه ونه لري."
ښاغلي جاوید وویل د غور د تولک ولسوالۍ په جګړه کې د دولت وسله والو مخالفینو ته درنه مرګژوبله اوښتې خو نوموړي د وسله والو د تلفاتو د شمیر او افغان سرتېرو ته د مرګ ژوبلې د اوښتو په اړه څه جزئیات ورنه کړل.
د غور والي تر دې مخکې ویلي وو چې وسله والو د پنجشنبې په ماذدیګر له څو اړخونو پر تولک ولسوالۍ بریدونه پیل کړي او افغان ځواکونه هوايي ملاتړ ته اړتیا لري.
د دولت وسله والو مخالفینو تر اوسه پورې د غور د تولک ولسوالۍ د جګړې په اړه څه نه دي ویلي.
avapress.net/vdciyuazqt1ayr2.k6ct.html
ټګونه
ډیری لیدل شوي
مربوطه لیکنې
[۲۲ عقرب ۱۳۹۷] 
[۲۰ سرطان ۱۳۹۴] 
[۲۸ جوزا ۱۳۹۸] 
[۱۶ سنبله ۱۳۹۷] 
[۱۱ ثور ۱۳۹۷] 
