پوسټ کوډ 127742
نیټه خپرول: چهارشنبه 14 وږی 139710:19

امریکا بهرنیو چارو وزیر نن اسلام آباد ته ځی


په دې سفر کې د مایک پامپیو سره د امریکا د پوځ د لوی درستیزانو د کمیټې مشر جنرال جوزیف ډانفورډ هم ملګری دی.
دا په پاکستان کې د عمران خان په مشرۍ د حکومت له رامنځ ته کیدو وروسته لومړنی لوړپوړی امریکايي چارواکی دی چې دې هیواد ته سفر کوي.
ټاکل شوې ده چې د ترهګرۍ پر ضد مبارزه، له پاکستان سره د امریکا لغوه شوې مالي مرستې او دوه اړخیزې اړیکې به د دواړو خواوو ترمنځ د خبرو اترو د اجنډا په سر کې وي.
د امریکا د بهرنیو چارو وزیر او د پوځ لوی درستیز په داسې حال کې پاکستان ته سفر کوي چې د یو کال راهېسې پر اسلام اباد د واشینګټن فشارونه زیات شوي، څو د ترهګرۍ پر ضد مبارزه کې خپل چلند بدل او اقدامات زیات کړي.
پاکستاني چارواکي ادعا کوي چې په تیرو اولس کلونو کې یې د ترهګرۍ پر ضد مبارزه کې ډېرې قربانۍ ورکړي چې باید له پامه ونه غورځول شي.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement