افغان امنیتي او دفاعي ځواکونو د جوزجان ولایت په مربوطاتو کې د داعش یا د اسلامي دولت نومې ډلې د خراسان څانګې څلور ښځینه غړې نیولي دي.
دخپریدو نیټه :شنبه ۱۳ اسد ۱۳۹۷ ساعت ۱۷:۳۶
د مطلب کود : 168344
د جوزجان ولایت د امنیې قوماندانی د امنیت امر عبدالحفیظ خاشي وایي د داعش ښځېنه غړې د درزاب ولسوالی په مربوطاتو کې نیول شوي.
شاغلي خاشي زیاته کړه، چې نیول شوي ښځې د بغلان، کندز او سمنګان ولایتونو اوسېدونکې دي.
هغه وویل، چې دغه ښځې هغه مهال نیول شوي کله چې غوښتل یې له درزاب ولسوالی څخه شیبرغان ښار ته سفر وکړي.
نوموړی دا هم وویل، چې نیول شوي ښځې په لومړنیو څېړنو کې اعتراف کړی چې د داعش یا د اسلامي دلت نومې ډلې د خراسان څانګې غې وې.
د اسلامي دولت نومې ډلې پلویانو په ګډون د دولت ضد وسله والې ډلې تر اوسه په دې اړه څه نه دی ویلي.
دا په داسې حال کې ده چې د اسلامي دولت نومې ډلې خراسان څانګې شاوخوا ۲۰۰ وسله وال په درزاب ولسوالی کې امنیتي ځواکونو ته تسلیم شول.
avapress.net/vdcbawb8arhb0fp.q3ur.html
ټګونه
ډیری لیدل شوي
مربوطه لیکنې
[۱۴ جوزا ۱۳۹۷] 
[۲۰ عقرب ۱۳۹۸] 
[۲۶ عقرب ۱۳۹۷] 
[۷ عقرب ۱۳۹۷] 
[۸ سنبله ۱۳۹۷] 
