اسرائیل: باب المندب تنګی تړنه به ایران ته په تاوان وی

د ایران سپاه پاسداران او د یمن په حوثي یاغیانو تړلیو رسنیو د دغو بیړیو له ویشتلو هرکلی کړی دی.
د اسراییل صدراعظم بنیامین نتانیاهو ویلي:
"په ایران پورې تړلو عواملو د نړیوالې بېړۍ چلونې امنیت ته د خنډ د پېښولو په هڅه کې د سره سمندرګي په باب المندب تنګي کې یو وحشت جوړ کړ."
تانیاهو چې د اسرائیلو د نویو سمندري ځواکونو په پوځي مراسمو کې برخه اخېستې وه، پرون چهارشنبه ایران ته ګواښ وکړ:

"که ایران د باب المندب تنګي د تړلو هڅه وکړي، زه ډاډه یم چې له نړیوال ائتلاف سره به مخ شي. هغه ائتلاف چې ایران به دې کار ته پرینه‎ږدي او اسرائیل به له خپل ټول ځواک سره د هغه یوه برخه وي."
د ایران ولسمشر حسن روحاني هم څو ورځې دمخه ګواښ وکړچې که امریکا د ایران د تیلو د صادراتو مخه ونیسي هېڅ هېواد به د ایران له لاسه خپل تیل صادر نه‎شي کړای.
هغه د هُرمز تنګي د تړلو ګواښ وکړهغه څه چې د ایران د مشر ایت الله علي خامنه یي له پراخ هرکلي سره مخ شو.
د ایران دا ګواښونه وروسته له هغه وشول چې د امریکا ولسمشر ډونالډ ټرمپ ادارې هېوادونه ته ګواښ کړی چې که له ایرانه د تیلو واردات بند نه‎کړي له جدي عواقبو سره مخ کېږي.

د ایران تردې دریځ وروسته «سي.اېن.اېن» رپوټ ورکړ چې لوړپوړو امریکايي چارواکو د اوبو د تنګیو د احتمالي تړلو د مقابلې لپاره د پوځي قوې د کارولو مسئله څېړلې ده.
«سي.اېن.اېن»دا هم ویلي چې د امریکا دفاع وزارت په دغو څېړنو کې د یوه پوځي ائتلاف په رامنځته کېدو بحثونه کړي چې په سیمه کې د امریکا له متحدینو له هغې ډلې سعودي عربستان سره په ګډه د پوځي عملیاتو اجرا کول یې یوه دنده بلل شوې ده.
باب المندب د یمن په جنوب کې پروت دی او د اسرائیلي رسنیو د راپور په حواله د حوثي یاغیانو له ګواښ سره مخ دی.