اناتول خبري اژانس د سیمه ييزو سرچینو له قوله ویلي، اسرائيلي ټانګونو له اشغال شویو ګولان غونډیو څخه د سوریې په جنوب کې د حزب الله ډلې اړوند اهداف په نښه کړي دي.
دخپریدو نیټه :يکشنبه ۳۰ ثور ۱۳۹۷ ساعت ۰۸:۴۵
د مطلب کود : 163925
دې سرچینې څرګنده کړې، اسرائيلو د قنيطره ولایت په شمال کې هغه سیمه ويشتلې چې د حزب الله ډلې وسله وال پکې مېشت دي.
د لبنان د حزب الله ډلې د دې برید او تلفاتو په اړه څه ویلي نه دي.
له بله پلوه نن سهار د دیرالزور په پوځي هوايي اډه کې د سترو چاودنو غږونه واورېدل شول، په دې اډه کې په زیات شمېر کې رژیم پلوه ملېشې مېشتې دي.
اناتول خبري اژانس ویلي، باور کیږي چې د دیرالزور د هوايي اډې چاودنې د اسرائيلو د بریدونو په پایله کې رامنځ ته شوې وي.
د سوريې رژیم تراوسه د دې دواړو پېښو په اړه څه نه دي ويلي او نه هم د دې بریدونو زیان څرګند شوی دی.
د یادونې وړ ده، اسرائیلو په دې وروستیو کې پر سوريې خپل بریدونه زیات کړي دي.
avapress.net/vdcb5fb8srhb09p.q3ur.html
ټګونه
ډیری لیدل شوي
مربوطه لیکنې
[۹ جوزا ۱۳۹۷] 
[۵ جوزا ۱۳۹۷] 
[۲۲ ثور ۱۳۹۷] 
[۱۵ قوس ۱۳۹۶] 
[۱۱ سنبله ۱۳۹۷] 
