د روسیې د بهرنیو چارو وزیر وايي، مسکو به د راتلونکې اکتوبر په ۱۱مه د افغانستان د تماس د ډلې کوربه وي.
د روسیې د بهرنیو چارو وزارت د سرګي لاوروف په قول په یوه خبرپاڼه کې ویلي چې د تماس دا سیمه ییزه ډله په افغانستان کې خپلې هلې ځلې بیا پیلوي.
د ښاغلي لاوروف په وینا، روسیې تل د افغانستان د شخړې د پای ته رسېدو او د افغانانو په مشرۍ د پخلاینې ملاتړ کړی دی.
د شانګهای د همکارۍ ټولنې تر مشرۍ لاندې د افغانستان لپاره د تماس په ډله کې د څه باندې۵۰ هېوادونو استازي شامل دي.
سرچينه : د صدای افغان خبری آژانس(آوا)
