ننګرهار کې امریکایي سرتیری له داعشیانو سره په نښته کې وژل شوی

افغانستان په ختیځ ننګرهار ولایت کې یوه امریکایي سرتیری له داعش وسله والو سره په نښته کې وژل شوی.

د صدای افغان خبری آژانس، په افغانستان کې میشتو امریکایي ځواکونو اعلان کړی، چې دغه سرتیری د شنبې په ورځ نا وخته له داعشیانو سره په جګړه کې سخت ټپي شوی و.

له دې وړاندې هم د ننګرهار په مرکز جلال اباد ښا کې درې امریکایي سرتیري د یوه چاودنه په ترڅ کې ټپي شوي وه.

ننګرهار د افغانستان په ختیځ کې له پاکستان سره ګډه پوله لري چې د هېواد له ناامنه او د طالبانو او داعش د جنګیالیو د فعالیت سیمه ګڼل کېږي.

دا په داسې حال کې ده چې په افغانستان کې میشت امریکایي ځواکونه په ننګرهار ولایت کې د داعش پر خلاف په عملیاتو بوخت افغان ځواکونو سره مرسته کوي.

سیمه ییز چارواکي وایي، د حمزه په نوم عملیات د ګډو امنیتي ځواکونو له لورې په ننګرهار کې د داعش ځپلو په موخه پیل شوي دي،چې تر دا مهاله یې تر لسګونو زیات کلي د داعش له شتون څخه پاک کړي دي .