د هیواد کورنیو چارو وزارت ویلي چې د تیرې سې شنبې د ملي امنیت لسم ریاست باندې د ځانمرګي برید په تړاو د کابل ښار د لومړۍ امنیتي حوزې یو شمیر چارواکو دندې یې ځنډولې.
د کورنیو چارو وزارت ویاند، صدیق صدیقي په خپل رسمي فیسبوک پاڼه کې لیکلي چې ددې حوزې امر او پنځه نور امنیتي چارواکي دندې ځنډول شوي دي او د تیرې پیښې د څرنګوالي په اړه ترې څیړنې روانې دي.
ښاغلي صدیقي وايي، د یاد وزارت د تفتیش ریاست سپارښتنه کړې څو دغه پیښه په جدي توګه و څیړي.
د صدیقي په وینا، که چیري له دې ډلې څخه هر چا په دنده کې نا غیړي کړې وي؛ نو راپور به یې اعلام شي.
تیره سې شنبې څلور ځانمرګي بریدکوونکو د برجسته رجالو د ساتنې په ریاست باندې برید وکړ چې په پایله کې ۶۴ تنه ووژل شو او ۳۵۰ نور ټپیان شول.
طالب وسلوالو د برید پړه پر غاړه اخیستې ده.
ویل شوې چې د بریدګرو له ډلې څخه یو لومړي یو مازدا ډوله موټر د دغه ریاست شاته چاودنه ورکړې او وروسته درې نور یې د ریاست ودانۍ ته ور ننوتل.
راپورونه کاږي چې یو بریدګر د پیښې له سیمې څخه په تېښته بریالی شوی.
د تیرو څو میاشتو په اږدو کې دغه خونړۍ ترهګریزه پیښه وه چې ډیری پکې ولسي وګړي زیانمن شوي دي.
