راپورونه وايي چې؛ د مصر د اخوان المسلمین د ډلې یو لوړ رتبه غړی نیول شوی دی.
لویدیځو او مصري رسنیو د مصر د کورنیو چارو د وزارت په حواله ویلي چې عصام العریان په مصر الجدیده سیمه کې چیرته چې نوموړی پټ و،نن سهار نیول شوی دی.
په مصرکې د پخواني ولسمشر محمد مرسي له لرې کیدو وروسته د اخوان المسلیمین د ډلې سلګونه غړي نیول شوي دي.
د مصر د پوځ لخوا د تیرې جولايي میاشت په دریمه نیټه له واک څخه د محمد مرسي له لرې کیدو راهیسې ددې هیواد په شخړو او تاوتریخوالي کې لږ تر لږه زر کسان وژل شوي دي.
سرچينه : دصدای افغان خبری اژانس(اوا)
