په یمن باندی دامریکا او برتانیی پوځی تیری

افغان غږ خبری آژانس: عربي رسنیو نن سهار (پنجشنبه د میزان ۲۶) د یمن پر خاوره د امریکا په مشرۍ د غربي ایتلاف د پوځي تیریو خبر ورکړی دی.

 

د «المسیره» چینل په یوه بیړنی خبر کې ویلی چې د امریکا او بریتانیې تیریګرو الوتکو د یمن د پلازمینې صنعا او صنعا سیمې په نښه کړې.

 

د یمن په پلازمینه المسیره کښې خبریال وایی د دښمن د جنګی الوتکو درې څپو په صنعا حمله وکړه .

 

د المیادین شبکې خبر ورکړی چې د صعده ولایت شمال، جنوب، ختیځ او لویدیځ او همدارنګه د صنعا ښار ۳ سیمې د لویدیځو جنګیالیو لخوا په نښه شوې دي.

 

عراقي رسنۍ "صابرین نیوز" هم د امریکايي سرچینو په حواله لیکلي او لیکلي یې دي چې امریکايي پوځ په دغو بریدونو کې له «بي-۲» ډوله بمونو کار اخیستی دی.

 

په تیر یو کال کښې په غزې تړانګې او لبنان باندې د صهیونیسټی رژیم له حملو وروسته د یمن وسله والو ځواکونو د دغه رژیم او د نیواکګرو فلسطین لپاره هیڅ ډول بیړیو ته اجازه نه ده ورکړې چې له سرې بحیرې او باب البحر څخه تیر شی. 

 

امریکا له تل ابیب څخه د خپل ملاتړ په دوام کښې د صهیونیسټی بېړیو پرضد د یمن د عملیاتو له زیاتیدا وروسته د یمن له وسله والو ځواکونو سره د مقابلې لپاره یو ائتلاف جوړ کړ او تراوسه یې څو ځله د دغه هیواد په خاوره تیری کړی دی .