د میدان وردګو مرکزي ښوونځی پرانیستل شو

افغان غږ خبری آژانس - کابل: د چهار شنبې په ورځ، د جوزا ۱۱ مه مولوي کرامت الله اخندزاده؛ د میدان وردګو ولایت د پوهنې وزارت د اسلامي زده کړو مرستیال د یو لړ مراسمو په ترڅ کې د میدان وردګو ولایت مرکزي ښوونځی پرانیست.

 دغه مراسم چې د دغه ښوونځي د کنفرانسونو په تالار کې جوړه شوي وه، د پوهنې وزارت د اسلامي زده کړو معين او د ميدان وردګو ولايت د پوهنې يو شمېر نورو مسوولينو خبرې وکړې او د دغه ښوونځي د جوړېدو موخې او اهميت يې بيان کړ.

 د پوهنې وزارت د اسلامي زده کړو معين په خپلو خبرو کې د دغه ښوونيز مرکز پرانيستل د پوهنې وزارت له لومړيتوبونو څخه وبلل او ويې ويل: دغه ديني مدرسه به د ديني زده کړو په برخه کې با کيفيته خدمات وړاندې کړي.

 خو په هېواد کې د "اسلامي امارت" له جوړېدو وروسته تر شپږم ټولګي پورې د نجونو ښوونځي تړل شوي دي.

 خو د «اسلامي امارت» مشرانو په وار وار د نجونو د ښوونځیو د پرانستلو ژمنه کړې ده. خو تر اوسه نجونې نه دي توانېدلي چې خپلې زده کړې بېرته پیل کړي.

 د يادونې وړ ده چې په بلخ ولايت کې د نجونو ټول ښوونځي پرانيستل شوي دي او په اسلامي حجاب سره خپلو زده کړو ته دوام ورکوي.