د کورنیو چارو وزارت سرپرست مسعود اندرابي د کابل ښار د امنیتي حوزو مسؤلینو ته خبرداری ورکړی، چې تر دې وروسته که یې د مسؤلیت سیمو کې د موټرسایکل لروونکو کسانو لخوا ترور ترسره شي، له دندې ګوښه کېږي.
دخپریدو نیټه :شنبه ۳ جوزا ۱۳۹۹ ساعت ۱۰:۰۳
د مطلب کود : 210569
کورنیو چارو وزارت دا پرېکړه تر هغه وروسته کړې، چې تېرماښام ( جمعه غبرګولي ۲ ) د کابل ښار دوولسمې حوزې اړوند سیمه کې دوه پولیس د موټر سایکل لروونکو کسانو لخوا په ډزو وویشتل شول.
کورنیو چارو وزارت وايي، یو پولیس وژل شوی او یو بل یې ټپي دی.
د کورنیو چارو وزارت سرپرست ویلی، چې د شوې پېښې په تړاو د دوولسمې حوزې د سیمې د کنترول مسؤل او د ټولي قومندان له دندې ګوښه شوي دي.
کورنیو چارو وزارت له دې مخکې کابل ښار کې تر نامعلومې نېټې د موټرسایکل په ګرځېدا بندیز لګولی و، ځکه په وینا یې ډېری هدفي وژنې له موټرسایکل څخه په ګټې اخیستو ترسره کېږي.
کورنیو چارو وزارت وايي، یو پولیس وژل شوی او یو بل یې ټپي دی.
د کورنیو چارو وزارت سرپرست ویلی، چې د شوې پېښې په تړاو د دوولسمې حوزې د سیمې د کنترول مسؤل او د ټولي قومندان له دندې ګوښه شوي دي.
کورنیو چارو وزارت له دې مخکې کابل ښار کې تر نامعلومې نېټې د موټرسایکل په ګرځېدا بندیز لګولی و، ځکه په وینا یې ډېری هدفي وژنې له موټرسایکل څخه په ګټې اخیستو ترسره کېږي.
سرچينه : د صدای افغان خبری آژانس(آوا)
avapress.net/vdciquar3t1azw2.k6ct.html
ټګونه
ډیری لیدل شوي
